Suspended| POCSO കേസ് ഒതുക്കി; സ്റ്റേഷനില്‍ മദ്യപാർട്ടി നടത്തി; എസ് ഐ ഉൾപ്പെടെ ആറ് വനിതാ പൊലീസുകാർക്ക് സസ്പെൻഷൻ

പോക്സോ കേസ് ഒതുക്കാൻ ശ്രമിച്ച എസ് ഐ റോസമ്മയെയാണ് സിറ്റി പൊലീസ് കമ്മീഷണർ എൻ ശശി കുമാർ സസ്പെന്റ് ചെയ്തത്. പ്രായപൂർത്തിയാകാത്ത പെൺകുട്ടിയോട് മോശമായി പെരുമാറിയ കേസിൽ ആരോപണ വിധേയൻ ഹെഡ് കോൺസ്റ്റബിളാണ്. കഴിഞ്ഞ ജൂലൈയിലാണ് സംഭവം. ഹെഡ് കോൺസ്റ്റബിളിനെ രക്ഷിക്കുന്നതിനായി ഒത്തുകളിച്ചുവെന്ന് കണ്ടെത്തിയതിനെ തുടർന്നാണ് റോസമ്മയെ സസ്പെന്റ് ചെയ്തത്.

മറ്റൊരു സംഭവത്തിൽ വനിതാ പൊലീസ് സ്റ്റേഷനിൽ മദ്യപാർട്ടി നടത്തിയതിനാണ് അഞ്ച് വനിതാ പൊലീസുകാർക്കെതിരെ നടപടിയെടുത്തത്. സിസിടിവി ദൃശ്യങ്ങളിൽ പാർട്ടിയുടെ തെളിവുകൾ ലഭിച്ചു. മദ്യപാർട്ടി നടത്തി സസ്പെന്റ് ആയവരിൽ രണ്ട് എഎസ്ഐ, രണ്ട് ഹെഡ്കോൺസ്റ്റബിൾ, ഒരു കോൺസ്റ്റബിൾ എന്നിവർ ഉൾപ്പെടുന്നു.

Also Read- പീഡിപ്പിക്കാന്‍ ശ്രമിച്ച 38 കാരനെ കറിക്കത്തി വീശി പ്രതിരോധിച്ച് 61കാരി: ഓടി രക്ഷപ്പെട്ട പ്രതി പിടിയില്‍

രണ്ട് സംഭവങ്ങളിലും നേരത്തെ അന്വേഷണം പ്രഖ്യാപിച്ചിരുന്നു. ഇതിന്റെ അടിസ്ഥാനത്തിൽ എസിപി സൗത്ത് സബ് ഡിവിഷൻ രഞ്ജിത് ബണ്ടാരുവും എസിപി സെൻട്രൽ സബ് ഡിവിഷൻ പി എ ഹെഗ്ഡെയുമാണ് അന്വേഷണം നടത്തി വിശദമായ റിപ്പോർട്ട് സമർപ്പിച്ചത്. ഇതിന്മേൽ ഡി സി പി ഹരിറാം ശങ്കറിന്റെ അഭിപ്രായം തേടിയശേഷമാണ് നടപടി സ്വീകരിച്ചതെന്ന് കമ്മീഷണർ ശശി കുമാർ പറഞ്ഞു.

English Summary: Mangaluru city police commissioner has suspended a SI on charges of faulty investigations in connection with a Pocso case. Also, five staff members from the Women’s Police Station have been suspended for allegedly consuming alcohol and partying in the police station. City police commissioner N Shashi Kumar said that the PSI Rosamma has been suspended for gross negligence in a Pocso case, where the accused is a head constable. In July, 2021, a head constable was arrested for misbehaving with a minor girl.