Sushant Singh Rajput Death Case | അന്വേഷണം സിബിഐക്ക്; പിന്തുണ നൽകണമെന്ന് മഹാരാഷ്ട്ര സർക്കാരിനും നിർദേശം

സുശാന്തിന്‍റെ കാമുകിയായ റിയാ ചക്രബർത്തിയെ പ്രതിസ്ഥാനത്ത് നിർത്തിയായിരുന്നു കുടുംബത്തിന്‍റെ പരാതി. വിശ്വാസ വഞ്ചന, പണത്തട്ടിപ്പ് തുടങ്ങിയ ആരോപണങ്ങൾ റിയക്കെതിരെ ഉന്നയിച്ച കുടുംബം ഇവർക്കെതിരെ ആത്മഹത്യ പ്രേരണയ്ക്ക് കേസെടുക്കണമെന്നും ആവശ്യപ്പെട്ടിരുന്നു. സുശാന്തിന്‍റെ ജന്മനാടായ ബീഹാറിലായിരുന്നു കുടുംബം പരാതി നൽകിയത്. എന്നാൽ ബീഹാറിൽ നിന്നും കേസ് മുബൈയിലേക്ക് മാറ്റണമെന്ന് ആവശ്യപ്പെട്ടാണ് റിയ സുപ്രീം കോടതിയെ സമീപിച്ചത്. ഈ ഹർജിയിൽ വാദം കേൾക്കവെയാണ് അന്വേഷണം സിബിഐക്ക് വിട്ടുകൊണ്ട് കോടതി ഉത്തരവിട്ടത്.

തുടർന്നാണ് ഇന്ന് കോടതിയുടെ വിധി അനുകൂല വിധിയെത്തുന്നത്. ജസ്റ്റിസ് ഹൃഷികേഷ് റോയ് അധ്യക്ഷനായി ബഞ്ചിന്‍റെതാണ് ഉത്തരവ്. കേസിൽ എല്ലാവിധ പിന്തുണയും ഉറപ്പാക്കണമെന്ന് മഹാരാഷ്ട്ര സർക്കാരിനോടും ആവശ്യപ്പെട്ടിട്ടുണ്ട്. മുംബൈ പൊലീസ് ഇതുവരെ നടത്തിയ അന്വേഷണത്തിന്‍റെ എല്ലാ സുപ്രധാന രേഖകളും ഉടൻ തന്നെ സിബിഐക്ക് കൈമാറണമെന്നും കോടതി നിർദേശിച്ചു.