ബ്രിട്ടീഷ് പാസ്പോർട്ടുമായി നേപ്പാൾ അതിർത്തിയിലൂടെ ഇന്ത്യയിൽ പ്രവേശിച്ച ഡോക്ടർമാരെ അറസ്റ്റ് ചെയ്തു
- Published by:meera_57
- news18-malayalam
Last Updated:
രേഖകൾ പരിശോധിച്ചപ്പോൾ, ഇരുവരും ബ്രിട്ടീഷ് പൗരന്മാരാണെന്നും സാധുവായ ഇന്ത്യൻ വിസ കൈവശം ഇല്ലെന്നും കണ്ടെത്തി
ബഹ്റൈച്ച് ജില്ലയിലെ റുപൈദിഹ അതിർത്തിയിലൂടെ നേപ്പാളിൽ (Nepal) നിന്ന് അനധികൃതമായി ഇന്ത്യയിലേക്ക് കടന്നതിന് ബ്രിട്ടീഷ് പാസ്പോർട്ട് ഉടമകളായ ഡോക്ടർമാർ അറസ്റ്റിൽ. ഒരു പുരുഷനും സ്ത്രീയുമാണ് ശനിയാഴ്ച അറസ്റ്റിലായത്. സുഷമ കാർലിൻ ഒലിവിയ (61), ഹസ്സൻ അമൻ സലീം (35) എന്നിവരാണ് പ്രതികളെന്ന് പോലീസ് തിരിച്ചറിഞ്ഞു. ഒലിവിയയുടെ പക്കൽ നിന്നും ബ്രിട്ടീഷ് പാസ്പോർട്ടും ഓവർസീസ് സിറ്റിസൺ ഓഫ് ഇന്ത്യ കാർഡും കണ്ടെത്തി. യു.കെയിലെ ഗ്ലൗസെസ്റ്ററിലാണ് അവരുടെ ഇപ്പോഴത്തെ വിലാസം. പാകിസ്ഥാൻ വംശജനായ ഹസ്സൻ അമൻ സലീമിന്റെ വിലാസം യുകെയിലെ മാഞ്ചസ്റ്ററാണ്.
നേപ്പാളിൽ നിന്ന് ഇന്ത്യയിലേക്ക് കടന്ന രണ്ട് വിദേശികളെ കഴിഞ്ഞ ദിവസം രാവിലെ 10 മണിയോടെ പരിശോധനയ്ക്കായി തടഞ്ഞുവച്ചതായി എസ്എസ്ബിയുടെ 42-ാം ബറ്റാലിയന്റെ കമാൻഡന്റ് ഗംഗാ സിംഗ് ഉദാവത്ത് പറഞ്ഞു. "അവരുടെ രേഖകൾ പരിശോധിച്ചപ്പോൾ, ഇരുവരും ബ്രിട്ടീഷ് പൗരന്മാരാണെന്നും സാധുവായ ഇന്ത്യൻ വിസ കൈവശം ഇല്ലെന്നും കണ്ടെത്തി," അദ്ദേഹം പറഞ്ഞു. ഇരുവരും മെഡിക്കൽ പ്രൊഫഷണലുകളാണെന്ന് അവകാശപ്പെടുകയും ഒരു പ്രാദേശിക ആശുപത്രിയുടെ ക്ഷണപ്രകാരം നേപ്പാളിലെ നേപ്പാൾഗഞ്ചിലേക്ക് യാത്ര ചെയ്തതായും ഉദാവത്ത് പറഞ്ഞു. എന്നിരുന്നാലും, സാധുവായ യാത്രാ രേഖകളില്ലാതെ ഇന്ത്യയിലേക്ക് പ്രവേശിക്കാനുള്ള അവരുടെ ശ്രമം തൃപ്തികരമായി വിശദീകരിക്കാൻ അവർക്ക് കഴിഞ്ഞില്ല.
advertisement
തുടർനടപടികൾക്കായി അവരെ രൂപൈദേഹ പോലീസിന് കൈമാറിയിട്ടുണ്ടെന്നും അദ്ദേഹം കൂട്ടിച്ചേർത്തു. പോലീസ് സൂപ്രണ്ട് രാമനായൻ സിംഗ് പുറത്തിറക്കിയ ഔദ്യോഗിക പ്രസ്താവന പ്രകാരം, 1967 ലെ പാസ്പോർട്ട് ആക്ട് പ്രകാരം ഇരുവർക്കുമെതിരെ കേസ് രജിസ്റ്റർ ചെയ്തിട്ടുണ്ട്.
ഡൽഹിയിലെ സംഭവത്തെത്തുടർന്ന്, ഉത്തർപ്രദേശ്-നേപ്പാൾ അതിർത്തിയിൽ സുരക്ഷാ ഏജൻസികൾ അതീവ ജാഗ്രത പ്രഖ്യാപിച്ചിരുന്നു. സശസ്ത്ര സീമാ ബലിലെയും (എസ്എസ്ബി) ലോക്കൽ പോലീസിലെയും ടീമുകൾ ദിവസം മുഴുവൻ കർശനമായ പരിശോധനകൾ നടത്തി. ഈ പരിശോധനയ്ക്കിടെയാണ് നേപ്പാളിൽ നിന്ന് ഇന്ത്യയിലേക്ക് കടക്കാൻ ശ്രമിച്ച രണ്ട് വിദേശ പൗരന്മാരുടെ സംശയാസ്പദമായ പെരുമാറ്റം റുപൈദിഹ അതിർത്തിയിലെ ഉദ്യോഗസ്ഥരുടെ ശ്രദ്ധയിൽപ്പെടുന്നത്. വിദേശ പൗരന്മാരുടെ ചോദ്യം ചെയ്യൽ ഇപ്പോഴും നടന്നുകൊണ്ടിരിക്കുന്നതിനാൽ കൂടുതൽ വിവരങ്ങൾ ലഭ്യമായിട്ടില്ല.
advertisement
Summary: Two British passport holders — a man and a woman, both doctors — were arrested on Saturday for entering India illegally from Nepal at the Rupaidiha border in Bahraich district
ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
Nov 16, 2025 8:27 AM IST
മലയാളം വാർത്തകൾ/ വാർത്ത/India/
ബ്രിട്ടീഷ് പാസ്പോർട്ടുമായി നേപ്പാൾ അതിർത്തിയിലൂടെ ഇന്ത്യയിൽ പ്രവേശിച്ച ഡോക്ടർമാരെ അറസ്റ്റ് ചെയ്തു







