'ആക്രമണത്തിൽ ആരാണ് നേട്ടമുണ്ടാക്കിയത്?'; പുൽവാമ വാർഷികത്തിൽ ബി.ജെപിക്കെതിരെ രാഹുൽ ഗാന്ധി

Published by:Aneesh Anirudhan
news18-malayalam

Last Updated:Feb 14, 2020 2:31 PM IST

അന്വേഷണം എന്തായെന്നും ആക്രമണത്തിൽ ആരാണ് നേട്ടമുണ്ടാക്കിയതെന്നും ചോദിച്ച രാഹുൽ ബിജെപിക്കെതിരെ രൂക്ഷ വിമർശനമാണ് ഉന്നയിച്ചിരിക്കുന്നത്.

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

ന്യൂഡൽഹി: 40 സി.ആര്‍.പി.എഫ്. ജവാന്മാരുടെ ജീവനെടുത്ത പുല്‍വാമ ഭീകരാക്രമണത്തിന്റെ വാർഷികദിനത്തിൽ, ആരാണ് നേട്ടമുണ്ടാക്കിയതെന്ന ചോദ്യവുമായികോൺഗ്രസ് നേതാവ് രാഹുൽ ഗാന്ധി എം.പി. ട്വിറ്ററിലൂടെയാണ് രാഹുൽ പുൽവാമ ആക്രമണം സംബന്ധിച്ച് സർക്കാറിനോട് മൂന്നു ചോദ്യങ്ങൾ ഉന്നയിച്ചിരിക്കുന്നത്.

പുൽവാമ ആക്രമണത്തിൽ ഏറ്റവും കൂടുതൽ നേട്ടമുണ്ടാക്കിയത് ആരാണ്?,ആക്രമണം സംബന്ധിച്ച അന്വേഷണത്തിൽ എന്താണ് കണ്ടെത്തിയത്? ആക്രമണം നടക്കാനുണ്ടായ സുരക്ഷാ വീഴ്ചയ്ക്ക് ബി.ജെ.പി സർക്കാരിലെ ആരാണ് ഉത്തരവാദികൾ? - ഈ ചോദ്യങ്ങളാണ് രാഹുൽ ഉയർത്തിയിരിക്കുന്നത്.

Today as we remember our 40 CRPF martyrs in the #PulwamaAttack , let us ask:

1. Who benefitted the most from the attack?

2. What is the outcome of the inquiry into the attack?

3. Who in the BJP Govt has yet been held accountable for the security lapses that allowed the attack? pic.twitter.com/KZLbdOkLK5

— Rahul Gandhi (@RahulGandhi) February 14, 2020

അതേസമയം, ആക്രമണത്തില്‍ കൊല്ലപ്പെട്ട ജവാന്‍മാരുടെ രക്തസാക്ഷിത്വം രാജ്യം മറക്കില്ലെന്ന് പ്രധാനമന്ത്രി നരേന്ദ്ര മോദിയും വ്യക്തമാക്കി. രാജ്യത്തെ സംരക്ഷിക്കവെയാണ് അവരുടെ ജീവന്‍ നഷ്ടമായതെന്നും മോദി ട്വീറ്റ് ചെയ്തു.