തമിഴ്നാട്ടിലെ ക്ഷേത്രങ്ങളില്‍ അഹിന്ദുക്കള്‍ക്ക് കൊടിമരത്തിനപ്പുറം പോകാന്‍  അനുവാദം നിഷേധിച്ചത് എന്തുകൊണ്ട്?

ദിവസങ്ങള്‍ക്ക് മുമ്പാണ് കുറച്ച് അഹിന്ദുക്കള്‍ പഴനി ക്ഷേത്രത്തിലേക്ക് പോകാന്‍ ടിക്കറ്റ് എടുക്കുന്നത് ഹര്‍ജിക്കാരന്റെ ശ്രദ്ധയില്‍പ്പെട്ടത്. പഴനി ബസ് സ്റ്റാന്‍ഡിനടുത്ത് ഒരു കട നടത്തുന്ന ഷാഹുലും അദ്ദേഹത്തിന്റെ ബന്ധുക്കളുമാണ് ക്ഷേത്രത്തിലേക്ക് കയറാനായി എത്തിയത്. ബന്ധുക്കളില്‍ ചിലര്‍ ബൂര്‍ഖ ധരിച്ചിരുന്നു. ഇത് ശ്രദ്ധയില്‍പ്പെട്ടതോടെ ടിക്കറ്റ് നല്‍കിയ ജീവനക്കാരന്‍ അത് തിരികെ ആവശ്യപ്പെട്ടു. അഹിന്ദുക്കള്‍ക്ക് ക്ഷേത്രത്തിലേക്ക് കടക്കാനാകില്ലെന്നും ഇവരോട് പറഞ്ഞു. എന്നാല്‍ ഇതൊരു വിനോദ സഞ്ചാര കേന്ദ്രമാണെന്ന് ഷാഹുല്‍ ക്ഷേത്ര ജീവനക്കാരോട് തര്‍ക്കിച്ചു. അഹിന്ദുക്കള്‍ക്ക് പ്രവേശനമില്ലെങ്കില്‍ അത്തരമൊരു ബോര്‍ഡ് ക്ഷേത്രത്തിന് മുന്നില്‍ സ്ഥാപിക്കണമെന്നും ഷാഹുല്‍ പറഞ്ഞു.