CSK vs DC IPL 2021 | ചെന്നൈക്കെതിരെ ഡൽഹി ക്യാപിറ്റൽസിന് 189 റൺസിന്റെ വമ്പൻ വിജയലക്ഷ്യം

ഐ പി എൽ പതിനാലാം സീസണിലെ രണ്ടാം മത്സരത്തിൽ ചെന്നൈ ക്യാപിറ്റൽസിനെതിരെ ഡൽഹിക്ക് 189 റൺസിന്റെ വിജയലക്ഷ്യം. 'ചിന്ന തല'യുടെ അർദ്ധ സെഞ്ച്വറി മികവിലാണ് ചെന്നൈ ടീം ഈ വമ്പൻ സ്കോർ പടുത്തുയർത്തിയത്. കഴിഞ്ഞ സീസണിൽ ടീമിൽ ഇല്ലാതിരുന്ന സുരേഷ് റെയ്ന ഗംഭീര തിരിച്ചുവരവാണ് ആദ്യ മത്സരത്തിലൂടെ നടത്തിയിരിക്കുന്നത്. 36 പന്തിൽ 3 ബൗണ്ടറികളും 4 സിക്സറുകളും അടക്കം 54 റൺസാണ് റെയ്‌ന നേടിയത്. നിശ്ചിത 20 ഓവറിൽ 7 വിക്കറ്റ് നഷ്ടത്തിലാണ് ചെന്നൈ 188 റൺസ് നേടിയത്. ധോണി ഇത്തവണ ആരാധകരെ നിരാശപ്പെടുത്തിയാണ് തുടങ്ങിയിരിക്കുന്നത്. രണ്ട് പന്തുകൾ മാത്രം നേരിട്ട ധോണി റൺസൊന്നും നേടാതെയാണ് പുറത്തായത്.