• HOME
  • »
  • NEWS
  • »
  • ipl
  • »
  • Sanju Samson | 'എടാ നീ ഇറങ്ങി നിന്നോ'; മത്സരത്തിനിടെ പടിക്കലിന് മലയാളത്തിൽ നിർദേശം നൽകി സഞ്ജു

Sanju Samson | 'എടാ നീ ഇറങ്ങി നിന്നോ'; മത്സരത്തിനിടെ പടിക്കലിന് മലയാളത്തിൽ നിർദേശം നൽകി സഞ്ജു

ഹൈദരാബാദ് ഇന്നിങ്സിന്റെ ഒമ്പതാം ഓവറിലായിരുന്നു സംഭവം.

Image: Twitter

Image: Twitter

  • Share this:
കളിക്കിടെ മലയാളത്തിൽ സംസാരിച്ചും നിർദേശങ്ങൾ നൽകിയും നിരവധി തവണ വാർത്തകളിൽ ഇടം നേടിയ താരമാണ് സഞ്ജു (Sanju Samson). കേരളത്തിന് വേണ്ടി ആഭ്യന്തര ക്രിക്കറ്റ് ടൂർണമെന്റിൽ കളിക്കുന്നതിനിടെ എതിർ ബൗളറുടെ പെരുമാറ്റത്തിൽ അനിഷ്ടം തോന്നി 'കൊടുക്കട്ടേ ഒന്ന്, ജാഡ കാണിക്കുന്നത് കണ്ടില്ലേ; എന്ന് സഞ്ജു പറയുന്നത് വളരെ ശ്രദ്ധ നേടിയൊരു സംഭവമായിരുന്നു. അതിനുശേഷം സഞ്ജു ബാറ്റിങ്ങിന് ഇറങ്ങുമ്പോഴും വിക്കറ്റിന് പിന്നിൽ നിൽക്കുമ്പോഴുമെല്ലാം ആരാധകർ താരം എന്തെങ്കിലു൦ പറയുന്നുണ്ടോ എന്ന് കൂടി ആകാംക്ഷയോടെ നോക്കാറുണ്ട് ഇപ്പോഴിതാ അത്തരത്തിലൊരു സംഭവമാണ് വീണ്ടും ചർച്ചയാകുന്നത്.

ഐപിഎല്ലിൽ (IPL 2022) ഇന്നലെ നടന്ന രാജസ്ഥാൻ റോയൽസ് - സൺറൈസേഴ്‌സ് ഹൈദരാബാദ് (RR vs SRH) മത്സരത്തിനിടെ സഞ്ജു നൽകിയ നിർദേശത്തിന്റെ വീഡിയോ ഇപ്പോൾ സമൂഹ മാധ്യമങ്ങളിൽ പ്രചരിക്കുന്നുണ്ട്. രാജസ്ഥാൻ റോയൽസിന്റെ ക്യാപ്റ്റനായ സഞ്ജു ടീമിലെ തന്റെ സഹതാരവും മലയാളിയുമായ ദേവദത്ത് പടിക്കലിന് (Devdutt Padikkal) നൽകിയ നിർദേശം സ്റ്റമ്പ് മൈക്ക് പിടിച്ചെടുക്കുകയായിരുന്നു.

ഹൈദരാബാദ് ഇന്നിങ്സിന്റെ ഒമ്പതാം ഓവറിലായിരുന്നു സംഭവം. ‘‘എടാ നീ ഇറങ്ങി നിന്നോ..ദേവ്..ദേവ്’’ എന്നായിരുന്നു സഞ്ജു പടിക്കലിന് നിർദേശം നൽകിയത്. ആരാധകർ ഇതേറ്റെടുത്തതോടെ സംഭവം വൈറലായി മാറുകയായിരുന്നു.


കഴിഞ്ഞ സീസണിൽ റോയൽ ചലഞ്ചേഴ്‌സ് ബാംഗ്ലൂരിന് വേണ്ടി കളിച്ച പടിക്കലിനെ മെഗാതാരലേലത്തിൽ രാജസ്ഥാൻ സ്വന്തമാക്കിയത് മുതൽ സഞ്ജുവിനൊപ്പം മറ്റൊരു മലയാളി താരം കൂടിയെത്തുന്നു എന്ന ആവേശത്തിലായിരുന്നു മലയാളി ആരാധകർ. ബാറ്റിങ്ങിൽ ഇരുവരുടെ കൂട്ടുകെട്ട് കാണാനായും മലയാളി ആരാധകർ കാത്തിരിക്കുകയായിരുന്നു. ആരാധകരുടെ കാത്തിരിപ്പിന് ഇരുവരും ചേർന്ന് മികച്ച സമ്മാനമാണ് നൽകിയത്. സീസണിലെ ആദ്യ മത്സരം കളിക്കാൻ ഇറങ്ങിയ രാജസ്ഥാന് വേണ്ടി ഇരുവരും തകർത്താടുന്ന കാഴ്ചയാണ് കാണാൻ കഴിഞ്ഞത്. ഇരുവരും ചേർന്ന് മൂന്നാം വിക്കറ്റിൽ രാജസ്ഥനായി നേടിയ 73 റൺസായിരുന്നു ടീമിന്റെ ഇന്നിങ്സിലെ ഹൈലൈറ്റ്. ബാറ്റിങ്ങിൽ തകർത്തടിച്ച രാജസ്ഥാൻ ബൗളിങ്ങിലും പിടിമുറുക്കി 61 റൺസിന്റെ ജയം നേടിയെടുക്കുകയായിരുന്നു.

Also read- Sanju Samson |'ദൈവമേ... കണ്ണെടുക്കാന്‍ തോന്നുന്നില്ല'! സഞ്ജുവിന്റെ ബാറ്റിംഗിനെ പ്രശംസിച്ച് മുന്‍ ഇന്ത്യന്‍ താരങ്ങള്‍

മത്സരത്തിൽ ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ രാജസ്ഥാൻ, ക്യാപ്റ്റന്‍ സഞ്ജു സാംസൺ (27 പന്തില്‍ 55), ദേവ്ദത്ത് പടിക്കൽ (29 പന്തില്‍ 41), ഷിംറോൺ ഹെറ്റ്മെയർ (13 പന്തിൽ 32) എന്നിവരുടെ ബാറ്റിംഗ് മികവിലാണ് നിശ്ചിത 20 ഓവറിൽ ആറ് വിക്കറ്റ് നഷ്ടത്തില്‍ 210 റണ്‍സ് നേടിയത്. രാജസ്ഥാൻ ഉയർത്തിയ കൂറ്റൻ ലക്ഷ്യം പിന്തുടർന്ന് ഇറങ്ങിയ ഹൈദരാബാദിന്റെ മറുപടി 149 റൺസിൽ അവസാനിക്കുകയായിരുന്നു. മൂന്ന് വിക്കറ്റ് വീഴ്ത്തിയ യുസ്‍വേന്ദ്ര ചാഹലും രണ്ട് വീതം വിക്കറ്റുകൾ വീഴ്ത്തി ട്രെന്റ് ബോൾ‍ട്ടും പ്രസിദ്ധ് കൃഷ്ണയും ബൗളിങ്ങിൽ തിളങ്ങി.
Published by:Naveen
First published: