18കാരൻ അമിതവേഗതയിൽ ഓടിച്ച ബൈക്ക് ഇടിച്ച് 24കാരൻ മരിച്ചു
- Published by:ASHLI
- news18-malayalam
Last Updated:
ബൈക്ക് ഓടിച്ച 18കാരന് ലൈസൻസ് ഇല്ലെന്നും പൊലീസ് കണ്ടെത്തിയിട്ടുണ്ട്
തിരുവനന്തപുരം: 18കാരൻ അമിതവേഗതയിൽ ഓടിച്ച ബൈക്ക് ഇടിച്ച് 24കാരൻ മരിച്ചു. തിരുവനന്തപുരം കഴക്കൂട്ടം കാരോട് ബൈപ്പാസിലാണ് അപകടം. ഇന്ന് പുലർച്ചെ ഒരുമണിയോടെയാണ് സംഭവം. തമിഴ്നാട് സ്വദേശി ജോൺസണാണ് മരിച്ചത്. ഗോകുലം ഗ്രാൻഡ് ട്രിവാൻഡ്രത്തെ ജീവനക്കാരനാണ് മരിച്ച ജോൺസൺ. റോഡ് മുറിച്ചു കിടക്കുകയായിരുന്ന ജോൺസനെ അമിതവേഗത്തിൽ എത്തിയ ബൈക്ക് ഇടിച്ചു തെറിപ്പിക്കുകയായിരുന്നു.
ബൈക്ക് അപകട ശേഷം 300 മീറ്ററോളം നീങ്ങി. കരമന സ്വദേശി ഷേക്ക് (18) ഓടിച്ച സൂപ്പർ ബൈക്കാണ് അപകടത്തിൽപ്പെട്ടത്. അപകടത്തിൽ 18-കാരനും ഒപ്പം ഉണ്ടായിരുന്നയാൾക്കും പരിക്കേറ്റിട്ടുണ്ട്. ഇവർ തിരുവനന്തപുരത്തെ സ്വകാര്യ ആശുപത്രിയിൽ ചികിത്സയിലാണ്. ഷേയ്ക്കിന് ലൈസൻസ് ഇല്ലെന്നും പൊലീസ് കണ്ടെത്തിയിട്ടുണ്ട്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
Mar 31, 2025 8:07 PM IST
