പന്നിയ്ക്കുവെച്ച വൈദ്യുതകെണിയിൽ കുടുങ്ങി പാലക്കാട് 63കാരി ഷോക്കേറ്റ് മരിച്ചു
- Published by:Arun krishna
- news18-malayalam
Last Updated:
വണ്ടാഴി സ്വദേശി കരൂര് പുത്തന്പുരയ്ക്കല് ഗ്രെയ്സി(63) ആണ് മരിച്ചത്.
പാലക്കാട് വീണ്ടും വൈദ്യുതി കെണിയില്പ്പെട്ട് മരണം. വണ്ടാഴിയിൽ പന്നിക്കുവച്ച വൈദ്യുത കെണിയിൽപ്പെട്ട് വീട്ടമ്മ മരിച്ചു.വണ്ടാഴി സ്വദേശി കരൂര് പുത്തന്പുരയ്ക്കല് ഗ്രെയ്സി(63) ആണ് മരിച്ചത്. ഇന്ന് രാവിലെയാണ് വീടിനോടു ചേര്ന്നുള്ള കൃഷിയിടത്തിലെ കപ്പത്തോട്ടത്തില് മരിച്ച നിലയില് ഗ്രെയ്സിയെ കണ്ടെത്തിയത്.
ഒറ്റക്ക് താമസിക്കുന്ന ഗ്രെയ്സി കൃഷിയിടത്തില് കയറുന്ന പന്നിയെ പിടികൂടുന്നതിനായി സ്ഥാപിച്ച കെണിയില് നിന്ന് വൈദ്യുതാഘാതമേറ്റ് മരിക്കുകയായിരുന്നു എന്നാണ് പ്രാഥമിക വിവരം.
രാവിലെ മീന് വില്ക്കാനെത്തിയ ആളാണ് മൃതദേഹം കണ്ടത്. ഇന്ക്വസ്റ്റ് നടപടികള്ക്കുശേഷം മൃതദേഹം പോസ്റ്റ്മോര്ട്ടത്തിനായി പാലക്കാട് ജില്ല ആശുപത്രിയിലേക്ക് മാറ്റി. സംഭവത്തില് പൊലീസ് അന്വേഷണം ആരംഭിച്ചു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Palakkad,Palakkad,Kerala
First Published :
Oct 04, 2023 3:40 PM IST
മലയാളം വാർത്തകൾ/ വാർത്ത/Kerala/
പന്നിയ്ക്കുവെച്ച വൈദ്യുതകെണിയിൽ കുടുങ്ങി പാലക്കാട് 63കാരി ഷോക്കേറ്റ് മരിച്ചു
