കുനിച്ച് നിർത്തി പുറത്തടിച്ച് സഹപാഠിയുടെ ജീവൻ രക്ഷിച്ച ഒമ്പതാം ക്ലാസുകാരൻ

ഭക്ഷണം തൊണ്ടയിൽ കുടുങ്ങിയ സഹപാഠിയെ രക്ഷിച്ച് ഒൻപതാം ക്ലാസുകാരൻ. കാഞ്ഞങ്ങാട് ദുർഗാ ഹയർ സെക്കൻഡറി സ്കൂളിലെ വിദ്യാർഥിയും എസ് പി സി കേഡറ്റുമായ മുഹമ്മദ് സഹൽ ഷഹസാദ് ആണ് തന്റെ കൂട്ടുകാരനായ മുഹമ്മദ് അജാസ് ഫാദിന് രക്ഷകനായി എത്തിയത്. വ്യാഴാഴ്ച‌ ഉച്ചഭക്ഷണത്തിനിടെയാണ് മുഹമ്മദ് അജാസ് ഫാദിന്റെ തൊണ്ടയിൽ ഭക്ഷണം കുടുങ്ങിയത്. ഇത് കണ്ട ഉടനെ ഷഹസാദ് അജാസിനെ കുനിച്ചുനിർത്തി പുറത്തടിച്ചു. ഇതോടെ ഭക്ഷണം അജാസ് ഛർദിച്ചു.