ഗൾഫിൽ നിന്നെത്തിയത് കഴിഞ്ഞ ദിവസം; സുഹൃത്തിനൊപ്പം സഞ്ചരിക്കുകയായിരുന്ന 21കാരൻ ബൈക്ക് നിര്‍ത്തിച്ച് പാലത്തിൽ നിന്ന് കായലിൽ ചാടി

കഴിഞ്ഞ ദിവസമാണ് രാഹുൽ ഗൾഫിൽ നിന്നും നാട്ടിലെത്തിയത്. സുഹൃത്തിനൊപ്പം പാലത്തിലൂടെ ബൈക്കിൽ സഞ്ചരിക്കവേ ബൈക്കു നിർത്തിച്ച് പാലത്തിൽ നിന്നും കായംകുളം കായലിലേക്ക് ചാടുകയായിരുന്നുവെന്നാണ് വിവരം. വീട്ടിൽ നിന്നും ഇറങ്ങുന്നതിനു മുൻപ് രാഹുലിന് ഫോൺകോൾ വന്നിരുന്നു. ഇതിനുശേഷം രാഹുൽ പരിഭ്രാന്തനായിരുന്നുവെന്ന് സുഹൃത്തുക്കൾ പറഞ്ഞു.

രാഹുൽ സുഹൃത്തിനൊപ്പം പാലത്തിൽ എത്തിയപ്പോൾ വാഹനം നിർത്താൻ ആവശ്യപ്പെടുകയും തുടർന്ന് പാലത്തിൽ നിന്നും ചാടുകയുമായിരുന്നു. കായംകുളം അഗ്നിരക്ഷാസേനയും പൊലീസും തിരച്ചിൽ നടത്തുകയാണ്. ശക്തമായ അടിയൊഴുക്കുള്ള സമയമായതിനാൽ തിരച്ചിൽ ദുഷ്കരമാണ്.