കോട്ടയം കാഞ്ഞിരപ്പള്ളിയിൽ കാട്ടുപോത്തിന്റെ ആക്രമണത്തിൽ ഒരാൾക്ക് ഗുരുതര പരിക്ക്; തലയിൽ 36 സ്റ്റിച്ച്

കോട്ടയം: കാഞ്ഞിരപ്പള്ളിയിൽ കാട്ടുപോത്തിന്റെ ആക്രമണത്തിൽ ഒരാൾക്ക് ഗുരുതര പരിക്ക്. പാലമ്പ്ര സ്വദേശി ചന്ദ്രവിലാസത്തിൽ മുരളീധരൻ(40) ആണ് പരിക്കേറ്റത്. കാഞ്ഞിരപ്പള്ളി ഇടക്കുന്നത്ത് തിങ്കളാഴ്ച വൈകിട്ടാണ് കാട്ടുപോത്തിന്റെ ആക്രമണമുണ്ടായത്.

Also Read-മലപ്പുറത്ത് ബൈക്ക് പോസ്റ്റിലിടിച്ച് യുവാവ് മരിച്ചു; ഒപ്പമുണ്ടായിരുന്നയാൾക്ക് ഗുരുതര പരിക്ക്

പരിക്കേറ്റ മുരളീധരനെ സ്വകാര്യ ആശുപത്രിയിൽ പ്രവേശിപ്പിച്ചു. മുരളീധരന് തലയിൽ 36 സ്റ്റിച്ചുകളുണ്ട്. കഴിഞ്ഞ ദിവസം കിണറ്റിൽ വീണ കാട്ടുപോത്തിനെ രക്ഷിച്ച ശേഷം അവിടെ തന്നെ ഓടിച്ചു വിടുകയായിരുന്നു. തിരികെ വനത്തിലേക്ക് പോകാതെ തങ്ങിയ ആ കാട്ടുപോത്താണ് ആക്രമിച്ചതെന്ന് സംശയിക്കുന്നു.