കോഴിക്കോട് ലോറിയും ബൈക്കും കൂട്ടിയിടിച്ച് യുവാവ് മരിച്ചു

കാരന്തൂർ ഭാഗത്ത് നിന്ന് മുക്കം ഭാഗത്തേക്ക് പോകുകയായിരുന്ന ടോറസ് ലോറിയുടെ അടിയിൽ അകപ്പെട്ട യുവാവിനെ നാട്ടുകാർ ചേർന്ന് ആനന്ദിനെ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ ആയില്ല.

ലോറിയുടെ അമിതവേഗമാണ് അപകടത്തിന് ഇടയാക്കിയതെന്ന് ദൃക്സാക്ഷികൾ പറയുന്നു. അപകടത്തെ തുടർന്ന് ആനന്ദ് ലോറിയുടെ അടിയിൽ കുടുങ്ങുകയായിരുന്നു. കണ്ടുനിന്നവർ ബഹളംവെച്ചതോടെയാണ് ലോറി ഉടൻ നിർത്തിയത്. ഓടിക്കൂടിയ നാട്ടുകാരാണ് ഉടൻ തന്നെ ആനന്ദിനെ ആശുപത്രിയിലേക്ക് കൊണ്ടുപോയത്. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചു.

ആനന്ദ് വിൽസന്‍റെ മൃതദേഹം പോസ്റ്റുമോർട്ടം നടപടികൾക്കുശേഷം ഇന്നുതന്നെ ബന്ധുക്കൾക്ക് വിട്ടുനൽകും.