മമ്മൂട്ടിയെ പറഞ്ഞാൽ ആർക്കും പരാതി ഇല്ലേ?; 'അമ്മ'യോട് പ്രതിഷേധവുമായി AIYF പ്രസിഡന്റ് എൻ അരുൺ

കഴിഞ്ഞ ദിവസമായിരുന്നു നടൻ മോഹൻലാലിനെ അധിക്ഷേപിച്ച യൂട്യൂബർ ചെകുത്താൻ പോലീസ് കസ്റ്റഡിയിൽ എടുത്തത്. താര സംഘടനയായ അമ്മ ജനറൽ സെക്രട്ടറി സിദ്ദീഖിന്റെ പരാതിയിലാണ് ചെകുത്താന്‍ ചാനല്‍ ഉടമ പത്തനംതിട്ട തിരുവല്ല മഞ്ഞാടി സ്വദേശി അജു അലക്സിനെ പൊലീസ് കസ്റ്റഡിയിൽ എടുത്തത്. ഇതിനു പിന്നാലെ മമ്മൂട്ടിയ്‌ക്കെതിരെ നടക്കുന്ന സൈബർ ആക്രമണങ്ങളിൽ'അമ്മ സംഘടന നടപടി സ്വകരിച്ചില്ലെന്നാരോപിച്ച് എഐവൈഎഫ് സംസ്ഥാന പ്രസിഡന്റ് എൻ അരുൺ രംഗത്ത് എത്തി. മമ്മൂട്ടിക്കെതിരെ ഇതിലും ആയിരക്കണക്കിന് മടങ്ങ് അധിക്ഷേപമുണ്ടായെന്നും, എന്നാൽ അന്ന് സംഘടന മൗനമായിരിക്കുകയായിരുന്നുവെന്നും അരുൺ ആരോപിച്ചു.