Local Body Elections 2020 | 'കെ. മുരളീധരൻ മുല്ലപ്പള്ളിക്കെതിരെ പറയരുതായിരുന്നു; വെൽഫെയർ പാർട്ടിയുമായി സഖ്യവുമില്ല, ധാരണയുമില്ല': ആര്യാടൻ മുഹമ്മദ്

സർക്കാർ അഴിമതിയിൽ മുങ്ങി നിൽക്കുകയാണ്. അച്യുതാനന്ദൻ സർക്കാർ മോശമായിരുന്നു. പക്ഷേ, എങ്കിലും പിണറായി വിജയൻ സർക്കാരിനെക്കാൾ മെച്ചമായിരുന്നു അച്യുതാനന്ദൻ സർക്കാർ എന്ന് ഇപ്പോൾ തോന്നുന്നു. അച്യുതാനന്ദൻ അഴിമതി നടത്തി എന്ന് ആരും പറയില്ല. ഇപ്പോഴത്തെ മുഖ്യമന്ത്രിയുടെ സെക്രട്ടറിമാർ ആണ് അന്വേഷണത്തിന് വിധേയരായിട്ടുള്ളത്. അത്രയും മോശമാണ് ഇപ്പോഴത്തെ സർക്കാരിന്റെ അവസ്ഥ. ഇതെല്ലാം ജനം അറിയുന്നുണ്ട്. പാർലമെന്റ് തിരഞ്ഞെടുപ്പിൽ നേടിയ വിജയം തദ്ദേശഭരണ തെരഞ്ഞെടുപ്പിൽ യു ഡി എഫ് ആവർത്തിക്കും എന്നും ആര്യാടൻ മുഹമ്മദ് പ്രതീക്ഷ പ്രകടിപ്പിച്ചു. നിയമസഭ തെരഞ്ഞെടുപ്പിന് മുൻപുള്ള സെമിഫൈനൽ ആണ് ഇത്.