Bev Q App | കാത്തിരിപ്പിനൊടുവിൽ ബെവ് ക്യൂ ആപ്പിന് ഗൂഗിളിന്റെ അനുമതി; മദ്യവിതരണം ഈ ആഴ്ച തുടങ്ങിയേക്കും
- Published by:Rajesh V
- news18-malayalam
Last Updated:
സാങ്കേതികമായ അനുമതി ലഭിച്ചതോടെ ഇനി മുന്നിലുള്ളത് രണ്ടു കടമ്പകൾ
തിരുവനന്തപുരം: മദ്യ ഉപഭോക്താക്കാള് ഏറെ നാളായി കാത്തിരിക്കുന്ന 'ബെവ് ക്യൂ' മദ്യവിതരണ ആപ്പിന് ഗൂഗിള് അനുമതി നല്കി. നാളെയോ മറ്റന്നാളോ പ്ലേ സ്റ്റോറില് നിന്ന് ആപ്പ് ഡൗണ്ലോഡ് ചെയ്ത് ഉപയോഗിക്കാനാകും. ആപ്പിന് അനുമതി ലഭിച്ചതോടെ ഈ ആഴ്ച തന്നെ മദ്യ വിതരണവും ആരംഭിക്കും. എക്സൈസ് മന്ത്രി ടി പി രാമകൃഷ്ണന് ഇന്ന് എക്സൈസ് കമ്മീഷണറുമായും ബെവ്കോ മാനേജിങ് ഡയറക്ടറുമായും ചര്ച്ച നടത്തുന്നുണ്ട്. ഈ ചര്ച്ചയില് മദ്യവിപണനം എന്നുതുടങ്ങുമെന്നതില് ധാരണയാകും.
സാങ്കേതികമായ അനുമതി ലഭിച്ചതോടെ ഇനി രണ്ടു കടമ്പയാണ് ആപ്പ് നിലവില് വരുന്നതിന് ബാക്കിയുള്ളത്. ഒരേ സമയം നിരവധി ആളുകള് പ്രവേശിക്കുമ്പോള് തകരാറിലാകാതിരിക്കാന് ലോഡിങ് ടെസ്റ്റ് നടത്തും. ഹാക്കിങ് ഉണ്ടാകാതിരിക്കാന് സുരക്ഷാ പരിശോധനയും നടത്തും. ഇതുരണ്ടും ഒരേ സമയം നടത്താന് സാധിക്കുമെന്നാണ് നിര്മാതാക്കള് അറിയിച്ചിട്ടുള്ളത്.
TRENDING:പതിനായിരം രൂപക്ക് വാങ്ങിയ അണലിയെ കൊണ്ട് എലിയെ കടിപ്പിച്ച് ആദ്യ പരീക്ഷണം; ഉത്രയെ കടിപ്പിക്കാനുള്ള ആദ്യ ശ്രമം പാളി [NEWS]SHOCKING: ഉറങ്ങിക്കിടന്ന കുഞ്ഞുങ്ങൾ മരിച്ച നിലയിൽ; വെവ്വേറ മരണങ്ങളിൽ ഞെട്ടി കാസർഗോഡ് [NEWS]കോവിഡ് 19 | അറസ്റ്റിലാകുന്നവരെ കൊണ്ടുവരാന് പ്രത്യേക കേന്ദ്രങ്ങള് തുറക്കാന് നിര്ദ്ദേശം [NEWS]
ഉപഭോക്താവിന്റെ പിന്കോഡ് അനുസരിച്ചായിരിക്കും ആപ്പിലെ പ്രവര്ത്തനങ്ങള്. ഇതിലൂടെ ലഭിക്കുന്ന ഇ-ടിക്കറ്റില് ഏത് മദ്യഷാപ്പില് എപ്പോള് വരണമെന്ന് അറിയിക്കും. അതനുസരിച്ച് ഉപഭോക്താക്കള് എത്തിയാല് മദ്യം വാങ്ങാം. ഇ-ടിക്കറ്റിലെ ക്യൂ ആര് കോഡ് മദ്യശാലകളില് സ്കാന് ചെയ്ത് പരിശോധിച്ച് ഉറപ്പുവരുത്തുകയും ചെയ്യും.
advertisement
ഒരാള്ക്ക് പരമാവധി മൂന്ന് ലിറ്റര് മദ്യമേ ലഭിക്കൂ. നാല് ദിവസത്തിനുള്ളില് ഒരു തവണ മാത്രമേ മദ്യം നല്കൂ. തുടങ്ങിയ നിബന്ധനകളുമുണ്ട്. പൂര്ണ്ണമായും കോവിഡ് നിയന്ത്രണങ്ങള് പാലിച്ചായിരിക്കും മദ്യവിപണനമെന്നാണ് സർക്കാർ പറയുന്നത്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
May 26, 2020 10:58 AM IST
മലയാളം വാർത്തകൾ/ വാർത്ത/Kerala/
Bev Q App | കാത്തിരിപ്പിനൊടുവിൽ ബെവ് ക്യൂ ആപ്പിന് ഗൂഗിളിന്റെ അനുമതി; മദ്യവിതരണം ഈ ആഴ്ച തുടങ്ങിയേക്കും
