പാളയം ഇമാം സിനിമ കണ്ടോ? ഈദ് ഗാഹിലെ 'ദ കേരള സ്റ്റോറി' പരാമർശത്തിൽ ഇസ്ലാം മതപണ്ഡിതർക്കെതിരെ അബ്ദുള്ളക്കുട്ടി

കേരള സ്റ്റോറി വിഷയത്തിൽ ഇസ്ലാം മതപണ്ഡിതർക്കെതിരെ ബിജെപി ദേശീയ ഉപാധ്യക്ഷൻ എ പി അബ്ദുള്ളക്കുട്ടിയുടെ വിമർശനം. ഈദ് ഗാഹിൽ നടത്തിയ പ്രസംഗത്തിൽ 'ദ കേരള സ്റ്റോറി' സിനിമയ്ക്ക് എതിരെ മതപണ്ഡിതർ മോശമായി പ്രസംഗിച്ചുവെന്നാണ് അബ്ദുള്ള കുട്ടി അഭിപ്രായപ്പെട്ടത്. പാളയം ഇമാം വി പി ഷുഹൈബ് മൗലവി അടക്കമുള്ളവർക്കെതിരെയാണ് അബ്ദുള്ളക്കുട്ടി വിമർശനം അഴിച്ചുവിട്ടത്. കേരള സ്റ്റോറിയെ വിമർശിച്ച പാളയം ഇമാം ഈ സിനിമ കണ്ടിട്ടുണ്ടോയെന്നും അബ്ദുള്ളക്കുട്ടി ചോദിച്ചു.