പഞ്ചസാരകൊണ്ടു തുലാഭാരം;സത്യപ്രതിജ്ഞയ്ക്കു മുമ്പ് ആരാധനാലയങ്ങളും കന്യാകുമാരി വിവേകാനന്ദ സ്മാരകവും സന്ദർശിച്ച് ചാണ്ടി ഉമ്മൻ

പുതുപ്പള്ളി ഉപതിരഞ്ഞെടുപ്പിൽ ചരിത്ര വിജയം നേടി നിയുക്ത എംഎൽഎ ചാണ്ടി ഉമ്മൻ ഇന്ന് നിയമസഭയിലേക്ക്. പുതുപ്പള്ളിയിലെ റെക്കോർഡ് വിജയത്തിന് പിന്നാലെ വോട്ടർമാരോട് നന്ദി പറഞ്ഞ് ചാണ്ടി ഉമ്മന്റെ പദയാത്ര നടത്തിയിരുന്നു. മണ്ഡലത്തിൽ ഉടനീളമാണ് ചാണ്ടി ഉമ്മൻ പദയാത്ര നടത്തിയത്. വാകത്താനത്തു നിന്ന് ആരംഭിച്ച പദയാത്ര വൈകിട്ട് അകലക്കുന്നത്ത് അവസാനിച്ചതിനു ശേഷം ഞായറാഴ്ച പുലർച്ചെയോടെ ചാണ്ടി ഉമ്മൻ തിരുവനന്തപുരത്തേക്ക് മടങ്ങി.