പോസ്റ്റ് മോർട്ടം റിപ്പോർട്ട് പുറത്ത്; കർമസമിതി പ്രവർത്തകന്‍റെ മരണകാരണം തലയ്ക്കേറ്റ ക്ഷതം

കോട്ടയം: പന്തളത്ത് ഉണ്ടായ സംഘർഷത്തെ തുടർന്ന് മരിച്ച ശബരിമല കർമസമിതി പ്രവർത്തകന്‍ ചന്ദ്രൻ ഉണ്ണിത്താന്‍റെ പോസ്റ്റ് മോർട്ടം റിപ്പോർട്ട് പുറത്ത്. തലയ്ക്കേറ്റ ക്ഷതമാകാം മരണകാരണമെന്ന് റിപ്പോർട്ടിൽ പറയുന്നു. ശബരിമലയിൽ യുവതികൾ പ്രവേശിച്ചതിൽ പ്രതിഷേധിച്ച് ശബരിമല കർമ്മസമിതി കഴിഞ്ഞദിവസം പന്തളത്ത് പ്രതിഷേധ പ്രകടനം നടത്തിയിരുന്നു. ഇതിനു നേരെയുണ്ടായ കല്ലേറിലാണ് ചന്ദ്രൻ ഉണ്ണിത്താന് പരുക്കേറ്റത്.