'ശബരിമല': മുഖ്യമന്ത്രി വിളിച്ച നവോത്ഥാന സംഘടനായോഗം ഇന്ന്
Last Updated:
തിരുവനന്തപുരം : ശബരിമല സ്ത്രീ പ്രവേശനത്തിൽ പിന്തുണ ഉറപ്പാക്കാൻ മുഖ്യമന്ത്രി വിളിച്ച നവോത്ഥാന സംഘടനകളുടെ യോഗം ഇന്ന്. ശബരിമല വിഷയത്തിൽ സർക്കാരിനെ ഏറ്റവും അധികം ആക്രമിച്ച എൻഎസ്എസിനും ആശ്വാസകരമായ സമീപനം സ്വീകരിച്ച എസ്എൻഡിപിക്കും ക്ഷണമുണ്ട്. യോഗക്ഷേമ സഭാ നേതാക്കളെയും ചർച്ചയ്ക്കു വിളിച്ചിട്ടുണ്ട്.. എന്നാൽ യോഗത്തിൽ പങ്കെടുക്കുന്ന കാര്യത്തിൽ ഇരു സംഘടനകളും അന്തിമ തീരുമാനം എടുത്തിട്ടില്ല.
നവോത്ഥാന പാരമ്പര്യവും മൂല്യങ്ങളും പിന്തുടരുന്ന സംഘടനകള് ഇന്നത്തെ സാഹചര്യത്തില് ഒന്നിച്ചുനില്ക്കണമെന്നും അതിനായാണ് യോഗം എന്നുമാണ് സർക്കാർ നിലപാട്. നിലവിലെ സാമുദായിക സംഘടനകളിൽ പലതും കേരള നവോത്ഥാനത്തിന് നിർണായക പങ്ക് വഹിച്ചവരാണ്. അതിനാലാണ് ഈ സംഘടനകളെയും ക്ഷണിച്ചതെന്ന് നേരത്തേ മുഖ്യമന്ത്രി പിണറായി വിജയൻ വ്യക്തമാക്കിയിരുന്നു.
advertisement
അതേസമയം എൻഎസ്എസും എസ്എൻഡിപിയും പങ്കെടുക്കുന്ന കാര്യത്തിൽ അനിശ്ചിതത്വം തുടരുയാണ്. സർക്കാരിന്റെ ക്ഷണം കിട്ടിയെന്നും എന്നാൽ പങ്കെടുക്കണോയെന്ന് തീരുമാനിച്ചിട്ടില്ലെന്നാണ് എൻഎസ്എസ് ജനറൽ സെക്രട്ടറി ജി.സുകുമാരൻ നായർ ന്യൂസ് 18 നോട് വ്യക്തമാക്കിയത്. പങ്കെടുക്കുന്ന കാര്യത്തിൽ ഇന്ന് രാവിലെ മാത്രമെ തീരുമാനമെടുക്കുവെന്നായിരുന്നു എസ്എൻഡിപി ജനറൽ സെക്രട്ടറി വെള്ളാപ്പള്ളി നടേശന്റെ പ്രതികരണം.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
December 01, 2018 7:13 AM IST
