പെരുമാറ്റചട്ടലംഘനം: രാജ്മോഹന്‍ ഉണ്ണിത്താൻ ഇന്ന് വിശദീകരണം നല്‍കും

തെരഞ്ഞെടുപ്പ് പ്രചാരണത്തിനിടെ പയ്യന്നൂർ അരവഞ്ചാലിൽ ഉണ്ണിത്താൻ നടത്തിയ പ്രസംഗത്തിൽ ശബരിമല വിഷയം ഉന്നയിച്ചതായി കാട്ടി ഇടതു മുന്നണിയാണ് പരാതി നൽകിയത്. പ്രസംഗത്തിന്റെ ദൃശ്യങ്ങളും പരാതിക്കൊപ്പം സമർപ്പിച്ചിരുന്നു. പരാതി അന്വേഷിച്ച ജില്ലാ ഭരണകൂടം ജനപ്രാതിനിധ്യ നിയമത്തിന്റെയും, തെരഞ്ഞെടുപ്പ് പെരുമാറ്റ ചട്ടങ്ങളുടെയും ലംഘനം നടന്നതായി കണ്ടെത്തിയിരുന്നു. പിന്നാലെയാണ് ഉണ്ണിത്താനോട് വിശദീകരണം ആവശ്യപ്പെട്ട് നോട്ടീസ് നൽകിയത്. 48 മണിക്കൂറിനകം മറുപടി നൽകണമെന്നായിരുന്നു ആവശ്യം.