'രാജ്മോഹൻ ഉണ്ണിച്ചാക്ക് വോട്ട് ചെയ്യുക'; ഈ ചുമരെഴുത്ത് കണ്ട് ചിരിക്കാൻ വരട്ടെ

കാസർകോട്: തെരഞ്ഞെടുപ്പ് കാലം ട്രോളുകളുടെ കൂടി കാലമാണ്. ചെറുതായൊന്ന് പിഴച്ചാൽ അത് ആഘോഷമാക്കാൻ ട്രോളന്മാർ കണ്ണിലെണ്ണയൊഴിച്ച് കാത്തിരിക്കുകയാണ്. അത്തരത്തിൽ സോഷ്യൽമീഡിയയിൽ പ്രചരിച്ച ഒരു ട്രോളാണ് കാസർകോട് മണ്ഡലത്തിലെ യുഡിഎഫ് സ്ഥാനാർഥി രാജ്മോഹൻ ഉണ്ണിത്താന്റെ ചുമരെഴുത്ത്. കാസര്‍കോട് യുഡിഎഫ് സ്ഥാനാർഥി 'രാജ്മോഹന്‍ ഉണ്ണിച്ചാക്ക്' വോട്ട് ചെയ്യുക എന്നായിരുന്നു ആ ചുമരെഴുത്ത്. കാസര്‍കോടുകാര്‍ അല്ലാത്തവര്‍ വാട്സാപ്പിലൂടെയും ഫേസ്ബുക്കിലൂടെയും പ്രചരിക്കുന്ന ഈ ചുമരെഴുത്ത് കണ്ട് നെറ്റി ചുളിച്ചു. പിന്നാലെ അബദ്ധമെന്ന നിലയിൽ സോഷ്യൽ മീഡിയയിൽ ട്രോളുകളിറങ്ങി.