ഒളിവില്‍ കഴിയുന്ന കോൺഗ്രസ് പഞ്ചായത്ത് പ്രസിഡന്റ് പുറത്ത്; എൽഡിഎഫ് അവിശ്വാസത്തിന് കോൺഗ്രസ് അംഗത്തിന്റെ പിന്തുണ

പത്തനംതിട്ട: നിരണം ഗ്രാമപഞ്ചായത്ത് പ്രസിഡന്റ് കെ പി പുന്നൂസിനെതിരെ എൽഡിഎഫ് കൊണ്ടുവന്ന അവിശ്വാസപ്രമേയം വിജയിച്ചു. 13 അംഗ പ‍ഞ്ചായത്ത് കമ്മിറ്റി ഇന്നലെ കൂടിയപ്പോൾ എൽഡിഎഫിലെ 6 അംഗങ്ങളും യുഡിഎഫിലെ ജോളി ഈപ്പനും അവിശ്വാസ പ്രമേയത്തെ അനുകൂലിച്ച് വോട്ട് ചെയ്തു. സാമ്പത്തിക തട്ടിപ്പു കേസിൽ പ്രതിയായ പഞ്ചായത്ത് പ്രസിഡന്റ് ഒരു മാസമായി ഒളിവിലാണ്. നേരത്തേ 3 തവണ റിമാൻഡിലാകുകയും പിന്നീട് ജാമ്യത്തിലിറങ്ങുകയും ചെയ്തിരുന്നു. ഈ സമയത്ത് പഞ്ചായത്തിൽ എത്തിയിരുന്നില്ല.