Samastha | 'വച്ചുപൊറുപ്പിക്കാന് പാടില്ലാത്ത സംഭവം'; സമസ്തയെ വിമര്ശിച്ച് സിപിഐ
- Published by:Arun krishna
- news18-malayalam
Last Updated:
ഇത്തരം സംഭവങ്ങള് ആവര്ത്തിക്കപ്പെടാതിരിക്കാന് സമുദായത്തിനകത്ത് നിന്ന് തന്നെ പ്രതിരോധം ഉയരണമെന്ന് മുഖംപ്രസംഗത്തില് പറയുന്നു.
പെരിന്തല്മണ്ണയിൽ മദ്രസാ വാര്ഷിക പരിപാടിയുടെ ഭാഗമായി നടന്ന ചടങ്ങിൽ വെച്ച് പെൺകുട്ടിയെ സമസ്ത മത നേതാവ് അപമാനിച്ച സംഭവത്തില് വിമർശനവുമായി സിപിഐ. യാഥാസ്ഥിതിക ചിന്തകളെ സമൂഹം തളയ്ക്കണമെന്ന് പാർട്ടി പത്രമായ ജനയുഗത്തിൽ പ്രസിദ്ധീകരിച്ച മുഖപ്രസംഗത്തിലൂടെയാണ് സിപിഐ സമസ്തക്കെതിരെ രംഗത്ത് വന്നത് . ആധുനിക നവോത്ഥാന കേരളത്തില് ഒരു തരത്തിലും വച്ചുപൊറുപ്പിക്കാന് പാടില്ലാത്ത സംഭവമാണിത്. ഇത്തരം സംഭവങ്ങള് ആവര്ത്തിക്കപ്പെടാതിരിക്കാന് സമുദായത്തിനകത്ത് നിന്ന് തന്നെ പ്രതിരോധം ഉയരണമെന്ന് മുഖംപ്രസംഗത്തില് പറയുന്നു.
പെരിന്തല്മണ്ണ പനങ്കാങ്കരക്കടുത്തുള്ള മദ്രസാ വാര്ഷിക പരിപാടിയുടെ ഭാഗമായി നടന്ന ചടങ്ങിലായിരുന്നു സമസ്ത നേതാവിന്റെ വിവാദ പരാമര്ശം. പത്താം ക്ലാസ് വിദ്യാര്ത്ഥിനിയെ പുരസ്കാരം ഏറ്റുവാങ്ങാനായി സംഘാടകര് വേദിയിലേക്ക് ക്ഷണിച്ചു. ഇതോടെ വേദിയിലുണ്ടായിരുന്ന സമസ്ത വൈസ് നേതാവ് എം.ടി അബ്ദുല്ല മുസ്ല്യാര് സംഘാടകര്ക്ക് നേരെ തിരിഞ്ഞു. പത്താം ക്ലാസില് പഠിക്കുന്ന പെണ്കുട്ടിയെ ആരാണ് സ്റ്റേജിലേക്ക് ക്ഷണിച്ചതെന്ന് ചോദിച്ചായിരുന്നു രോഷപ്രകടനം. പെണ്കുട്ടിക്ക് പകരം രക്ഷിതാവിനോട് വരാന് പറയാനും ആവശ്യപ്പെടുന്നുണ്ട്.'
advertisement
'ആരാടോ പത്താം ക്ലാസിലെ പെണ്കുട്ടിയെ സ്റ്റേജിലേക്ക് വിളിപ്പിച്ചത്. ഇനി മേലില് ഇങ്ങള് വിളിച്ചിട്ടുണ്ടെങ്കില് കാണിച്ച് തരാം. അങ്ങനത്തെ പെണ്കുട്ടികളെ ഒന്നും ഇങ്ങോട്ട് വിളിക്കണ്ട. സമസ്തയുടെ തീരുമാനം നിങ്ങള്ക്കറിയില്ലേ. നീയാണോ വിളിച്ചത്. രക്ഷിതാവിനോട് വരാന് പറയ്'- ഇതാണ് സ്റ്റേജില് വെച്ച് എം.ടി അബ്ദുല്ല മുസ്ല്യാര് പറഞ്ഞത്.
സംഭവത്തില് സമസ്ത നേതാവ് എം.ടി അബ്ദുല്ല മുസ്ല്യാര്ക്കെതിരെ ബാലാവകാശ കമ്മീഷന് കേസെടുത്തിട്ടുണ്ട്. പരിപാടിയുടെ സംഘാടകൻ എന്ന നിലയിൽ സമസ്തയുടെ സെക്രട്ടറിയോട് രണ്ടാഴ്ചയ്ക്കുള്ളിൽ വിശദീകരണം നൽകാൻ കമ്മീഷൻ ആവശ്യപ്പെട്ടു. സംഭവത്തിൽ പെരിന്തൽമണ്ണ പോലീസിനോടും ജില്ലാ ചൈൽഡ് പ്രൊട്ടക്ഷൻ ഓഫിസറോടും അടിയന്തരമായി റിപ്പോർട്ട് നൽകാനും നിർദേശിച്ചിട്ടുണ്ട്.
advertisement
വിഷയത്തില് പ്രതികരണവുമായി ഗവര്ണര് ആരിഫ് മുഹമ്മദ് ഖാനും രംഗത്തെത്തിയിരുന്നു. പ്രതിഭാധനയായ പെൺകുട്ടിയെ സമസ്ത അപമാനിച്ചു.സ്ത്രീകളെ വീട്ടിൽ പൂട്ടിയിടാനുള്ള ഗൂഢാലോചനയാണിത്. സമസ്താ നേതാവിനെതിരെ കേസെടുക്കണമെന്നും രാഷ്ട്രീയ നേതൃത്വങ്ങളുടെ മൗനം നിരാശപ്പെടുത്തുന്നുവെന്നും ഗവർണർ പറഞ്ഞു.
Also Read- 'സമീപകാലത്ത് കേൾക്കേണ്ടിവന്ന അറുവഷളൻ ന്യൂസുകളിൽ ഒന്ന്'; സമസ്ത നേതാവിനെ വിമർശിച്ച് കെ ടി ജലീൽ
മുസ്ലിം ലീഗ് മലപ്പുറം ജില്ലാ പ്രസിഡന്റ് പാണക്കാട് അബ്ബാസലി ശിഹാബ് തങ്ങളാണ് ഉപകാരം നല്കുന്നത്. പെണ്കുട്ടി വേദിയിലെത്തി ഉപഹാരം വാങ്ങിയതിന് പിന്നാലെയാണ് സമസ്ത നേതാവിന്റെ ശകാരവാക്കുകള് ഉണ്ടായത്. സമസ്തയുമായി ബന്ധപ്പെട്ട സുന്നി ഉലമ ഫോളോവേഴ്സ് എന്ന ഫേസ്ബുക്ക് പേജിലൂടെയാണ് വീഡിയോ പുറത്തുവന്നത്. എം.ടി അബ്ദുല്ല മുസ്ല്യാരുടെ പ്രവര്ത്തിയെ വിമര്ശിച്ച് വീഡിയോക്ക് താഴെ സമസ്ത പ്രവര്ത്തകര് തന്നെ രംഗത്തെത്തിയിട്ടുണ്ട്.
advertisement
എം.ടി അബ്ദുല്ല മുസ്ല്യാരുടെ നടപടിക്കെതിരെ സമൂഹമാധ്യമങ്ങളിലും വലിയ വിമര്ശനമാണ് വരുന്നത്. സമസ്തയിലെ ലീഗ് അനുകൂല പക്ഷ നേതാവാണ് എം.ടി അബ്ദുല്ല മുസ്ല്യാര്. സമസ്ത ലീഗിന്റെതാണെന്നും ലീഗ് സമസ്തയുടെതാണെന്നും അദ്ദേഹം നേരത്തെ നടത്തിയ പ്രസംഗവും വിവാദമായിരുന്നു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
May 13, 2022 11:41 AM IST
മലയാളം വാർത്തകൾ/ വാർത്ത/Kerala/
Samastha | 'വച്ചുപൊറുപ്പിക്കാന് പാടില്ലാത്ത സംഭവം'; സമസ്തയെ വിമര്ശിച്ച് സിപിഐ
