CPM Candidate List| 12 വനിതകളുമായി സിപിഎം സ്ഥാനാർഥി പട്ടിക; പ്രത്യേകതകൾ അറിയാം
ജെയ്ക് സി തോമസ് -പുതുപ്പള്ളി, സച്ചിന്‍ദേവ് -ബാലുശേരി, ലിന്റോ ജോസ്-തിരുവമ്പാടി, പി മിഥുന -വണ്ടൂര്‍ എന്നിവരാണ് 30 വയസിൽ താഴെയുള്ള സ്ഥാനാർഥികൾ
പി മിഥുന, ജെയ്ക് സി തോമസ്, ലിന്റോ ജോസ്, കെ എം സച്ചിൻ ദേവ്
- News18 Malayalam
- Last Updated: March 10, 2021, 3:49 PM IST
തിരുവനന്തപുരം: നിയമസഭാ തെരഞ്ഞെടുപ്പിനുള്ള സി പി എം സ്ഥാനാര്‍ഥി പട്ടിക പ്രഖ്യാപിച്ചു. സിപിഎം ഇത്തവണ മത്സരിക്കുന്ന 85 സീറ്റുകളിൽ 83 ഇടത്തെ സ്ഥാനാർഥികളെയാണ് സംസ്ഥാന സെക്രട്ടറിയുടെ ചുമതലയുള്ള എ വിജയരാഘവൻ പ്രഖ്യാപിച്ചത്. ഇതിൽ 74 പേർ സിപിഎം പാർട്ടി ചിഹ്നത്തിലും ഒൻപതുപേർ സ്വതന്ത്രരായും മത്സരിക്കും. രണ്ട് സീറ്റുകളിലെ സ്ഥാനാർഥികളെ പിന്നീട് പ്രഖ്യാപിക്കും. 12 വനിതകളെയാണ് ഇത്തവണ സിപിഎം മത്സരരംഗത്തിറക്കുന്നത്. ഇതിൽ എട്ടുപേരും പുതുമുഖങ്ങളാണ്. സിപിഎം സ്ഥാനാർഥി പട്ടികയിലെ പ്രത്യേകതകൾ അറിയാം.
Also Read- CPM Kerala Assembly election 2021| സിപിഎം സ്ഥാനാർഥി പട്ടിക: 5 മന്ത്രിമാരുൾപ്പെടെ 33 എംഎല്‍എമാരും മത്സരിക്കാനില്ല; നാല് പേര്‍ 30 വയസില്‍ താഴെ
Also Read- 83 സീറ്റുകളിലെ സിപിഎം സ്ഥാനാര്‍ഥികളെ പ്രഖ്യാപിച്ചു; മഞ്ചേശ്വരത്തും ദേവികുളത്തും പിന്നീട്
Also Read- CPM Kerala Assembly election 2021| സിപിഎം സ്ഥാനാർഥി പട്ടിക: 5 മന്ത്രിമാരുൾപ്പെടെ 33 എംഎല്‍എമാരും മത്സരിക്കാനില്ല; നാല് പേര്‍ 30 വയസില്‍ താഴെ
- മന്ത്രിമാരായ അഞ്ചുപേർ ഇത്തവണ സ്ഥാനാർഥി പട്ടികയിൽ ഇല്ല.
- സിറ്റിങ് എംഎൽഎമാരായ 33 പേർ ഇത്തവണ മത്സരിക്കുന്നില്ല.
- മഞ്ചേശ്വരത്തെയും ദേവികുളത്തിലെയും സ്ഥാനാർഥികളെ പിന്നീട് പ്രഖ്യാപിക്കും.
- മന്ത്രിമാരായ ഇ പി ജയരാജൻ, തോമസ് ഐസക്, ജി സുധാകരൻ, എ കെ ബാലൻ, സി രവീന്ദ്രനാഥ് എന്നിവരാണ് മത്സരരംഗത്തില്ലാത്ത മന്ത്രിമാർ.
- പിണറായി വിജയൻ, എം എം മണി, കെ കെ ശൈലജ, ടി പി രാമകൃഷ്ണൻ, കടകംപള്ളി സുരേന്ദ്രൻ, എ സി മൊയ്തീൻ, ജെ മേഴ്സിക്കുട്ടിയമ്മ, കെ ടി ജലീൽ (സ്വത.) തുടങ്ങിയവർ മത്സരിക്കുന്ന നിലവിലെ മന്ത്രിസഭാംഗങ്ങൾ
- 12 വനിതകളാണ് പട്ടികയില്‍ ഇടംപിടിച്ചിട്ടുള്ളത്. മന്ത്രിമാരായ കെ.കെ.ശൈലജ മട്ടന്നൂരിലും മേഴ്സിക്കുട്ടിയമ്മ കുണ്ടറയിലും മത്സരിക്കും. ആറൻമുളയിൽ സിറ്റിങ് എംഎൽഎ വീണാ ജോർജ് മത്സരിക്കും. കായംകുളത്ത് സിറ്റിങ് എംഎൽഎയായ യു.പ്രതിഭ മത്സരിക്കും.
- വനിതാ സ്ഥാനാർഥികളിലെ പുതുമുഖങ്ങൾ- ഒ.എസ്.അംബിക (ആറ്റിങ്ങൽ), ദലീമ ജോജോ (അരൂർ), ഷെൽന നിഷാദ് (ആലുവ), ആർ.ബിന്ദു (ഇരിങ്ങാലക്കുട), കാനത്തില്‍ ജമീല( കൊയിലാണ്ടി), പി.മിഥുന ( വണ്ടൂർ), കെ.ശാന്തകുമാരി (കോങ്ങാട്), പി ജിജി (വേങ്ങര).
- നാല് പേര്‍ 30 വയസില്‍ താഴെയുള്ളവര്‍- (ജെയ്ക് സി തോമസ് -പുതുപ്പള്ളി, സച്ചിന്‍ദേവ് -ബാലുശേരി, ലിന്റോ ജോസ്-തിരുവമ്പാടി, പി മിഥുന -വണ്ടൂര്‍)
- 8 പേര്‍ 30 നും 40 നും ഇടയിലുള്ളവർ
- 41-50 നും ഇടയില്‍ പ്രായമുള്ള 13 പേര്‍ പട്ടികയിൽ
- 51-60 നും ഇടയില്‍ പ്രായമുള്ള 33 പേര്‍
- 60 വയസിന് മുകളിലുള്ള 24 പേര്‍
- സിപിഎം സംസ്ഥാന സെക്രട്ടേറിയേറ്റില്‍ നിന്ന് എട്ട് പേര്‍ മത്സരിക്കുന്നു
- 42 പേര്‍ ബിരുദധാരികൾ.
- 28 പേര്‍ അഭിഭാഷകർ.
- ബിരുദാനന്തര ബിരുദമുള്ള 14 പേർ.
- പിഎച്ച്ഡി നേടിയ 2 പേർ
- എംബിബിഎസ് ബിരുദംനേടി ഡോക്ടര്‍മാരായി പ്രാക്ടീസ് ചെയ്യുന്ന 2 പേർ.
- വി ശിവൻകുട്ടി, വി എൻ വാസവൻ, എം വി ഗോവിന്ദൻ, കെ രാധാകൃഷ്ണൻ തുടങ്ങിയ മുൻ എംഎൽഎമാരും മത്സരരംഗത്ത്
- സിനിമാതാരം എം മുകേഷും ഗായിക ദലീമ ജോജോയും പട്ടികയിൽ
- വിദ്യാര്‍ഥി യുവജന രംഗത്തുള്ള 13 പേര്‍.
Also Read- 83 സീറ്റുകളിലെ സിപിഎം സ്ഥാനാര്‍ഥികളെ പ്രഖ്യാപിച്ചു; മഞ്ചേശ്വരത്തും ദേവികുളത്തും പിന്നീട്
