കെ ടി ജലീലിന്റെ രാജി ആവശ്യം തള്ളി സി പി എം; പ്രതിപക്ഷ ആവശ്യം സ്വാഭാവികമാണെന്ന് വിജയരാഘവൻ
Last Updated:
ന്യൂനപക്ഷ വികസന ധനകാര്യ കോർപ്പറേഷൻ ജനറൽ മാനേജരുടെ യോഗ്യത, മന്ത്രി ബന്ധു കെ ടി അദീപിന്റെ യോഗ്യതയ്ക്ക് അനുസരിച്ച് മാറ്റണമെന്ന് ആവശ്യപ്പെട്ടതായാണ് പറയുന്നത്
തിരുവനന്തപുരം: കെ ടി ജലീലിന്റെ രാജി ആവശ്യം തള്ളി സി പി എം. നിയമവശം പരിശോധിച്ച ശേഷം മാത്രമേ നടപടിയുണ്ടാകുവെന്ന് എ വിജയരാഘവൻ പറഞ്ഞു. ജലീൽ രാജി വെക്കില്ലെന്നും പ്രതിപക്ഷ ആവശ്യം സ്വാഭാവികമാണെന്നും സി പി എം വിജയരാഘവൻ പറഞ്ഞു. ലോകായുക്ത വിധിയുടെ പേരിൽ രാജി വെക്കുന്ന കീഴ്വഴക്കമില്ലെന്ന് മന്ത്രി എ കെ ബാലൻ പറഞ്ഞു. ജലീൽ നിയമവിരുദ്ധമായി ഒന്നു ചെയ്തിട്ടില്ലെന്നും ബാലൻ വ്യക്തമാക്കി.
അതേസമയം, മന്ത്രിസ്ഥാനത്ത് തുടരാന് അര്ഹനല്ലെന്ന ലോകായുക്ത വിധിക്കെതിരെ കെ ടി ജലീല് ഹൈക്കോടതിയെ സമീപിക്കും.
ഇത് സംബന്ധിച്ച് നിയമ വിദഗദ്ധരുമായും സർക്കാർ അഭിഭാഷകരുമായും മന്ത്രി ചർച്ച നടത്തി.
തല്ക്കാലം രാജിവയ്ക്കേണ്ടതില്ലെന്ന ജലീലിന്റെ തീരുമാനം
സര്ക്കാരിന്റെയും പാര്ട്ടിയുടെയും പിന്തുണയോടെയാണ്. പകരം ഹൈക്കോടതിയെ സമീപിക്കാനാണ് തീരുമാനം. നേരത്തെ ഈ കേസ് ഹൈക്കോടതി പരിഗണിച്ചപ്പോൾ നടത്തിയ ചില പരാമർശങ്ങൾ അനുകൂലമാകുമെന്നാണ് ജലീലിന് ലഭിച്ചിരിക്കുന്ന വിവരം.
advertisement
കേസിൽ വ്യക്തമായ തെളിവില്ലെന്നും അഴിമതി നിരോധന നിയമത്തിന്റെ പരിധിയിൽ വരില്ലെന്നുമായിരുന്നു പരാമർശം. ഇതിനിടെ മന്ത്രി കെ ടി ജലീലിനെതിരായ ലോകായുക്ത ഉത്തരവിലേക്ക് നയിച്ച കത്ത് പുറത്തായി. ന്യൂനപക്ഷ ധനകാര്യ കോർപ്പറേഷൻ നിയമനത്തിനുള്ള യോഗ്യതയിൽ മാറ്റം വരുത്താൻ ജലീൽ നേരിട്ട് കത്ത് നൽകിയെന്ന് പൊതുഭരണ വകുപ്പിന്റ ഫയലിൽ രേഖപ്പെടുത്തിയിട്ടുണ്ട്.
advertisement
ന്യൂനപക്ഷ വികസന ധനകാര്യ കോർപ്പറേഷൻ ജനറൽ മാനേജരുടെ യോഗ്യത, മന്ത്രി ബന്ധു കെ ടി അദീപിന്റെ യോഗ്യതയ്ക്ക് അനുസരിച്ച് മാറ്റണമെന്ന് ആവശ്യപ്പെട്ടതായാണ് പറയുന്നത്. ഈ ഇടപെടലാണ് അധികാര ദുർവിനിയോഗവും സ്വജനപക്ഷപാതവുമായി ലോകോയുക്ത കണ്ടെത്തിയത്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Apr 10, 2021 3:06 PM IST
മലയാളം വാർത്തകൾ/ വാർത്ത/Kerala/
കെ ടി ജലീലിന്റെ രാജി ആവശ്യം തള്ളി സി പി എം; പ്രതിപക്ഷ ആവശ്യം സ്വാഭാവികമാണെന്ന് വിജയരാഘവൻ
