ഡ്രൈവർ യദുവിന് എതിരെ നടി റോഷ്നയുടെ ആരോപണത്തിന് അനുകൂലമായ രേഖകൾ പുറത്ത്
- Published by:Sarika KP
- news18-malayalam
Last Updated:
കുന്നംകുളത്ത് വെച്ച് യദു മോശമായി പെരുമാറിയെന്നാണ് റോഷ്നയുടെ പരാതി.
തിരുവനന്തപുരം: തിരുവനന്തപുരം മേയർ ആര്യ രാജേന്ദ്രനെ അധിക്ഷേപിച്ച കെഎസ്ആര്ടിസി ഡ്രൈവര് യദുവിനെതിരായ നടി റോഷ്ന ആന് റോയ് ഉന്നയിച്ച ആരോപണത്തിൽ അനുകൂലമായ രേഖകൾ പുറത്ത്. ബസ് ഓടിച്ചത് യദു തന്നെയെന്ന് സ്ഥിരീകരണം. ജൂൺ 18-ന് തിരുവനന്തപുരം ഡിപ്പോയിൽ നിന്നും ബസ് വഴിക്കടവിലേക്ക് യാത്ര തിരിച്ചു.
മടക്കയാത്ര ജൂണ് 19നും. അന്നേ ദിവസം കുന്നംകുളത്ത് വെച്ച് യദു മോശമായി പെരുമാറിയെന്നാണ് റോഷ്നയുടെ ആരോപണം. സംഭവത്തില് കെഎസ്ആര്ടിസി ആഭ്യന്തര അന്വേഷണം തുടങ്ങി. തിരുവനന്തപുരം തമ്പാനൂരിലെ സെന്ട്രല് ഡിപ്പോയിലെ ഷെഡ്യൂള് പ്രകാരം ആര്പിഇ 492 എന്ന ബസായിരുന്നു അന്ന യദു ഓടിച്ചത്.
നടി പങ്കുവച്ച കുറിപ്പിൽ പറയുന്നത് ഇങ്ങനെ. സഹോദരനൊപ്പം മലപ്പുറത്ത് നിന്ന് എറണാകുളത്തേക്ക് പോകുകയായിരുന്നു. കുന്നംകുളം റൂട്ടിൽ അറ്റകുറ്റ പണികൾ നടക്കുന്നതിനാൽ ഒരു വണ്ടിക്ക് മാത്രമേ പോകാൻ സ്ഥലമുണ്ടായിരുന്നുള്ളൂ. സൈഡ് കൊടുക്കാൻ പോലും ഇടമില്ലാത്തിടത്ത് യദു അപകടകരമായി വണ്ടിയെടുത്തുകൊണ്ടുപോയെന്നുമാണ് റോഷ്ന കുറിച്ചത്. തന്റെ വാഹനത്തിന് പിന്നിൽ വന്ന് ഹോൺ മുഴക്കിയത് പോലെ താനും തിരിച്ച് ഹോൺ മുഴക്കിയപ്പോൾ ബസ് നടുറോഡിൽ നിർത്തി പുറത്തിറങ്ങി വന്ന് റോക്കി ഭായ് കളിച്ചുവെന്നും, വളരെ മോശമായി സംസാരിച്ചുവെന്നുമാണ് റോഷ്ന വിവരിച്ചു. വഴിയിൽ കണ്ട എംവിഡിയോട് ഇക്കാര്യം പരാതിപ്പെട്ടുവെന്നും വിഷയം പൊലീസുകാർ സംസാരിച്ച് പരിഹരിച്ച് വിട്ടെന്നും റോഷ്ന വ്യക്തമാക്കി.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Thiruvananthapuram,Kerala
First Published :
May 04, 2024 2:50 PM IST
മലയാളം വാർത്തകൾ/ വാർത്ത/Kerala/
ഡ്രൈവർ യദുവിന് എതിരെ നടി റോഷ്നയുടെ ആരോപണത്തിന് അനുകൂലമായ രേഖകൾ പുറത്ത്
