Swapna Suresh| സ്വപ്ന സുരേഷ് ശാന്തിഗിരി ആശ്രമത്തിൽ വന്നിട്ടില്ല: ഗുരുരത്നം ജ്ഞാനതപസ്വി
- Published by:Rajesh V
- news18-malayalam
Last Updated:
''കുറ്റവാളികൾക്ക് അഭയം കൊടുക്കുന്ന ഇടമല്ല ആശ്രമം. ആശ്രമത്തിനെതിരെ ചിലർ വ്യാജ പ്രചരണം നടത്തുകയാണ്. ആശ്രമത്തിൻ്റെ പവിത്രത തകർക്കാനുള്ള നീക്കങ്ങളും സജീവം.''
തിരുവനന്തപുരം: ഡിപ്ലോമാറ്റിക് ബാഗേജിൽ തിരുവനന്തപുരം വിമാനത്താവളം വഴി സ്വർണം കടത്തിയ കേസിലെ മുഖ്യ ആസൂത്രക സ്വപ്ന സുരേഷ് ശാന്തിഗിരി ആശ്രമത്തിൽ വന്നിട്ടില്ലെന്ന് ആശ്രമം ജനറൽ സെക്രട്ടറി ഗുരുരത്നം ജ്ഞാന തപസ്വി. സ്വപ്ന ശാന്തിഗിരി ആശ്രമത്തിലുണ്ടെന്ന വിവരത്തിന്റെ അടിസ്ഥാനത്തിലാണ് കസ്റ്റംസ് ഉദ്യോഗസ്ഥർ ശാന്തിഗിരി ആശ്രമത്തിൽ ചൊവ്വാഴ്ച പരിശോധന നടത്തിയത്. ഇതിന് പിന്നാലെയാണ് വിശദീകരണവുമായി ശാന്തിഗിരി ആശ്രമം രംഗത്തെത്തിയത്.
സ്വപ്നാ സുരേഷ് ശാന്തിഗിരി ആശ്രമത്തിൽ വന്നുവെന്ന വ്യാജ പ്രചരണം നടക്കുന്നുവെന്ന് ശാന്തിഗിരി ആശ്രമം ജനറൽ സെക്രട്ടറി ഗുരുരത്നം ജ്ഞാന തപസ്വി വ്യക്തമാക്കി. പരിശോധന നടത്തിയകസ്റ്റംസ് ഉദ്യോഗസ്ഥരെ യാഥാർത്ഥ്യം ബോധ്യപ്പെടുത്തിയിട്ടുണ്ട്. കസ്റ്റംസിൻ്റെ ഭാഗത്ത് നിന്ന് റെയ്ഡ് അല്ല നടന്നത്. മറിച്ച് വിവരങ്ങൾ ചോദിച്ച് അറിയുകയാണ് ചെയ്തത്.
കുറ്റവാളികൾക്ക് അഭയം കൊടുക്കുന്ന ഇടമല്ല ആശ്രമം. ആശ്രമത്തിനെതിരെ ചിലർ വ്യാജ പ്രചരണം നടത്തുകയാണ്. ആശ്രമത്തിൻ്റെ പവിത്രത തകർക്കാനുള്ള നീക്കങ്ങളും സജീവം.വ്യാജ പ്രചരണത്തിനെതിരെ അന്വേഷണം വേണമെന്ന് ഡിജിപി യോട് ആവശ്യപ്പെട്ടിട്ടുണ്ട്.
advertisement
TRENDING: Swapna Suresh | എയർ പോർട്ട് പിആർഒയെ കുടുക്കാൻ 'പാർവതി'യായി; സ്വപ്ന സുരേഷിനെതിരെ ക്രൈംബ്രാഞ്ച് റിപ്പോർട്ട് [NEWS]Swapna Suresh| ലക്ഷം ശമ്പളമുളള സ്വപ്നയുടെ വിദ്യാഭ്യാസ യോഗ്യത പ്ലസ്ടുവോ ബിരുദമോ? പത്താംക്ലാസ് പാസായിട്ടില്ലെന്ന് സഹോദരൻ [NEWS]'ഷേക് ഹാന്‍ഡ് കൊടുക്കുന്നതും ഒന്നു തട്ടുന്നതും വലിയ പ്രശ്‌നമായി ആരെങ്കിലും കാണാറുണ്ടോ': സ്പീക്കർ പി. ശ്രീരാമകൃഷ്ണൻ [NEWS]
advertisement
താൻ യു എ ഇ കോൺസുലേറ്റിലെ ഇഫ്താർ വിരുന്നിൽ പങ്കെടുത്തിരുന്നു. യു എ ഇ കോൺസുലേറ്റ് ഔദ്യോഗികമായി ക്ഷണിച്ചതിനാലാണ് പോയത്. കോൺസുലേറ്റിൻ്റെ പരിപാടികളുടെ ഭാഗമായി സ്വപ്നാ സുരേഷിനെ പലപ്പോഴും കണ്ടിട്ടുണ്ട്. എന്നാൽ സ്വപ്നയും സരിത്തുമായി തനിക്ക് ഒരു ബന്ധവുമില്ലെന്നും ജ്ഞാന തപസ്വി വ്യക്തമാക്കി.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
July 08, 2020 12:38 PM IST
മലയാളം വാർത്തകൾ/ വാർത്ത/Kerala/
Swapna Suresh| സ്വപ്ന സുരേഷ് ശാന്തിഗിരി ആശ്രമത്തിൽ വന്നിട്ടില്ല: ഗുരുരത്നം ജ്ഞാനതപസ്വി
