മലയോര മേഖലയിൽ കനത്ത മഴ; തിരുവനന്തപുരത്ത് വാഹനങ്ങൾക്കു മേൽ മരം വീണ് അപകടം

തിരുവനന്തപുരം മലയോര മേഖലയിൽ കനത്ത മഴ. ചിലയിടങ്ങളിൽ മഴയിൽ കനത്ത നാശനഷ്ടമുണ്ടായി. നെടുമങ്ങാട് ചുള്ളിമാനൂരിൽ വാഹനങ്ങൾക്ക് മുകളിൽ മരം വീണു. റോഡിൽ പാർക്ക് ചെയ്തിരുന്ന രണ്ട് ഇരുചക്രവാഹനങ്ങൾക്കും, കാറിനും മുകളിലേക്കാണ് മരം വീണത്. മരം വീണ് വൈദ്യുതിലൈൻ പൊട്ടുകയും രണ്ട് പോസ്റ്റുകൾ തകരുകയും ചെയ്തു. ഉച്ചയോടു കൂടിയാണ് ശക്തമായ കാറ്റും മഴയും മലയോര മേഖലകളിൽ മഴ തുടങ്ങിയത്.