പ്രളയ ദുരിതാശ്വാസം രണ്ടാഴ്ചയ്ക്കകം കൊടുത്ത് തീർക്കണം; സർക്കാരിന് ഹൈക്കോടതിയുടെ അന്ത്യശാസനം

also read:യു എൻ എ തട്ടിപ്പ്: ജാസ്മിൻഷായുടെ ഭാര്യയുടെ അക്കൗണ്ടിലേക്ക് ഡ്രൈവർ അയച്ചത് 20 ലക്ഷം: ക്രൈംബ്രാഞ്ച്

പ്രളയ ദുരിതാശ്വാസം ഇതുവരെ ലഭിച്ചില്ലെന്നാരോപിച്ച് ലഭിച്ച ഹർജികളുടെ അടിസ്ഥാനത്തിലാണ് ഹൈക്കോടതി നടപടി.

ഹൈക്കോടതിയുടെ ലീഗൽ അതോറിട്ടിക്കാണ് ഇതിന്റെ മേൽനോട്ട ചുമതല. പ്രവർത്തനങ്ങൾ ഏകോപിപ്പിക്കാനും നിയമസഹായങ്ങൾ നൽകാനുമാണ് ലീഗൽ അതോറിട്ടിയോട് നിർദേശിച്ചിരിക്കുന്നത്.

പഞ്ചായത്ത്-റവന്യൂ വകുപ്പുകൾ സഹായം കൈമാറുന്നതിനുള്ള നടപടികൾ വേഗത്തിൽ സ്വീകരിക്കണമെന്നും ഹൈക്കോടതി നിർദേശിച്ചു.പ്രളയ ദുരിതാശ്വാസവുമായി ബന്ധപ്പെട്ട അപ്പീലുകൾ സ്ഥിരം ലോക് അദാലത്തുകൾ വഴി തീർപ്പാക്കണമെന്നും കോടതി അറിയിച്ചു.

കഴിഞ്ഞ പ്രളയത്തിലകപ്പെട്ടവർക്കും ഇതുവരെ പൂർണമായി സഹായം ലഭിച്ചിട്ടില്ല. ഇതുമായി ബന്ധപ്പെട്ട പല അപ്പീലുകളും കളക്ട്രേറ്റുകളിലും മറ്റും കെട്ടികിടക്കുകയാണെന്നും ഹർജികളിൽ പറയുന്നു.