Honey rose: ബോബി ചെമ്മണ്ണൂരിൽ ഒതുങ്ങില്ല; യൂട്യൂബ് ചാനലുകൾക്ക് പൂട്ടിടാൻ ഹണി റോസ്; വിവരങ്ങൾ കൈമാറും

അതിനിടെ നടിയും മോഡലുമായ ഹണി റോസിനെ പിന്തുണച്ച് പുരോഗമന കലാസാഹിത്യ സംഘം സംസ്ഥാന കമ്മിറ്റി. ഹണി റോസിനെതിരെ അസഭ്യപ്രയോഗം നടത്തിയ വ്യവസായി ബോബി ചെമ്മണ്ണൂരിനെതിരെ കേസെടുത്ത് അറസ്റ്റു ചെയ്ത നടപടി സാംസ്കാരിക കേരളത്തിന് അഭിമാനമാണ്. ഇക്കാര്യത്തിൽ പരാതി നൽകാൻ ധീരമായി മുന്നോട്ടു വന്ന ഹണി റോസിനെ അഭിവാദ്യം ചെയ്യുന്നു. സ്ത്രീ സ്വാതന്ത്ര്യത്തിനും, സ്ത്രീ നീതിക്കും,തുല്യത്യക്കും വേണ്ടിയുള്ള ശബ്ദമാണ് ഹണിറോസ് ഉയർത്തിയത്. വ്യത്യസ്ത മേഖലകളിൽ സ്ത്രീകൾ മുന്നിലേക്കു വരുമ്പോൾ അവരെ അസഭ്യപ്രയോഗങ്ങളാൽ ആക്രമിക്കുവാനാണ് സമൂഹമാധ്യമങ്ങൾ ഇന്ന് കൂടുതൽ ഉപയോഗിക്കപ്പെടുന്നത്.