BREAKING: ജോസ് കെ മാണിയെ ചെയർമാനാക്കണം; ആവശ്യവുമായി മാണി വിഭാഗം ജില്ലാ പ്രസിഡന്റുമാർ
Last Updated:
മാണി വിഭാഗത്തിലെ ഒൻപത് ജില്ലാ പ്രസിഡന്റുമാരാണ് ആവശ്യവുമായി രംഗത്തെത്തിയത്
തിരുവനന്തപുരം: ജോസ് കെ മാണിയെ കേരള കോൺഗ്രസ് എം ചെയർമാനാക്കണമെന്ന് ആവശ്യപ്പെട്ട് മാണി വിഭാഗം ജില്ലാ പ്രസിഡന്റുമാര് രംഗത്ത്. നേതാക്കൾ സി എഫ് തോമസിനെ കണ്ട് ആവശ്യം ഉന്നയിച്ചു. സി എഫ് തോമസ് പാർലമെന്ററി പാർട്ടി നേതാവകണമെന്ന ആവശ്യവും ഇവർ ഉന്നയിച്ചു. കേരള കോൺഗ്രസ് എം ചെയർമാൻ സ്ഥാനവും പാർലമെന്ററി പാർട്ടി നേതാവ് സ്ഥാനവും മാണി വിഭാഗത്തിന് അവകാശപ്പെട്ടതാണെന്നും ഇവർ ആവശ്യപ്പെട്ടു. പാർട്ടിയുടെ 14 ജില്ലാ പ്രസിഡന്റുമാരിൽ 10 പേരും മാണി വിഭാഗത്തിലുള്ളവരാണ്. ഇവരിൽ ഒൻപതുപേരാണ് ജോസ് കെ മാണിയെ ചെയർമാനാക്കണമെന്ന് ആവശ്യപ്പെട്ട് സി എഫ് തോമസിനെ കണ്ടത്.
ചെയർമാൻ, പാർലമെന്ററി പാർട്ടി ലീഡർ, പാലാ സീറ്റ് എന്നിവ സംബന്ധിച്ച ചർച്ചകൾ സജീവമായിരിക്കെയാണ് പാർട്ടിയിലെ ഒരു വിഭാഗം വൈസ് ചെയർമാൻ ജോസ് കെ മാണിക്ക് വേണ്ടി രംഗത്ത് വന്നിരിക്കുന്നത്. ചെയർമാൻ സ്ഥാനത്തിന്റെ കാര്യത്തിൽ വിട്ടുവീഴ്ചക്കില്ലെന്ന ഉറച്ച നിലപാടിലാണ് മാണി വിഭാഗം. ജോസ് കെ മാണിയെ ചെയർമാനാക്കുന്നത് അംഗീകരിക്കാനാവില്ലെന്ന് വർക്കിങ് ചെയർമാൻ പി ജെ ജോസഫിനെ അനുകൂലിക്കുന്നവരും വാദിക്കുന്നു. ഒത്തുതീർപ്പെട്ട നിലയിൽ ഡെപ്യൂട്ടി ചെയർമാനായ സി എഫ് തോമസിനെ ചെയർമാനാക്കണമെന്ന ചർച്ചകളും നടന്നിരുന്നു. ഇതിനിടെയാണ് സമ്മർദ തന്ത്രവുമായി മാണി വിഭാഗം നേതാക്കൾ രംഗത്തെത്തിയത്.
advertisement
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
May 12, 2019 3:20 PM IST
മലയാളം വാർത്തകൾ/ വാർത്ത/Kerala/
BREAKING: ജോസ് കെ മാണിയെ ചെയർമാനാക്കണം; ആവശ്യവുമായി മാണി വിഭാഗം ജില്ലാ പ്രസിഡന്റുമാർ
