'കുട്ടികൃഷ്ണേട്ടന് മന്ത്രിയാകണമെന്ന് മോഹം തോന്നിയാൽ ജനങ്ങൾ സഹിച്ചേ പറ്റൂ'

ജനതാദൾ എസിന്റെ മന്ത്രിമാറ്റത്തെ പരിഹസിച്ച് നടനും സംവിധായകനുമായ ജോയ് മാത്യു. നിലവിലെ മന്ത്രിസഭയിൽ കൊള്ളാവുന്ന ഒരു മന്ത്രിയായിരുന്നു മാത്യു ടി. തോമസെന്നും പക്ഷേ കുട്ടികൃഷ്‌ണേട്ടന് മന്ത്രിയാകണം എന്നൊരു മോഹം വന്നാൽ ജനങ്ങൾ സഹിച്ചേ പറ്റൂവെന്നും ജോയ് മാത്യു ഫേസ്ബുക്കിൽ കുറിച്ചു. മന്ത്രിയാകണമെന്ന നേതാക്കൻമാരുടെ ആഗ്രഹങ്ങൾ പൂവണിയാൻ ജനങ്ങൾ സഹിച്ചേ പറ്റൂ. കൃഷ്ണൻകുട്ടി മന്ത്രിയാവുന്നതോടെ കേരളം നേരിട്ടുകൊണ്ടിരിക്കുന്ന വലിയ പ്രശ്നം പരിഹരിക്കപ്പെട്ടു എന്നതിൽ നികുതിദായകർക്ക് സന്തോഷിക്കാമെന്നും ജോയ് മാത്യു ഫേസ്ബുക്ക് പോസ്റ്റിൽ കുറിക്കുന്നു.