ഘടകകക്ഷി എന്ന നിലയിൽ അർഹമായ പരിഗണന ലഭിച്ചില്ല: NDA വിട്ട് JSS

എറണാകുളത്ത് ചേർന്ന സംസ്ഥാന കമ്മിറ്റിയിലാണ് തീരുമാനം. ഒരു ഘടകകക്ഷി എന്ന നിലയിൽ അർഹമായ പരിഗണന നൽകുന്നതിലും കർഷകരുടെ ദുരിതങ്ങൾക്ക് നേരെയുള്ള അവഗണനയും ഭരണഘടനാ സ്ഥാപനങ്ങളെ നോക്കുകുത്തികളാക്കുന്ന പ്രവണതകളിലും സാമ്പത്തിക നയങ്ങളിലെ പാളിച്ചകളിലും അതുവഴി ചെറുകിട വ്യവസായികളും കച്ചവടക്കാരും നേരിടുന്ന ദുരിതങ്ങൾക്ക് പരിഹാരമില്ലായ്മയും കാർഷിക മേഖലയ്ക്ക് ഉണ്ടായ പരാജയവും അക്രമരാഷ്ട്രീയവും കണക്കിലെടുത്ത് എൻ ഡി എ മുന്നണിയിൽ തുടരുന്നത് പാർട്ടിയുടെ നയങ്ങൾക്ക് ചേരുന്നതല്ലെന്നും ജെ എസ് എസ് വ്യക്തമാക്കുന്നു.

ഈ സാഹചര്യത്തിലാണ് എൻ ഡി എയുമായുള്ള ബന്ധം അവസാനിപ്പിക്കാൻ തീരുമാനിച്ചതെന്നും റിപ്പോർട്ടിൽ പറയുന്നു.