ജസ്റ്റിസ് എസ് മണികുമാര് മനുഷ്യാവകാശ കമ്മീഷന് അധ്യക്ഷന്
- Published by:Sarika KP
- news18-malayalam
Last Updated:
കേരള ഹൈക്കോടതി മുന് ചീഫ് ജസ്റ്റിസായിരുന്നു എസ് മണികുമാര്.
തിരുവനന്തപുരം: ജസ്റ്റിസ് എസ് മണികുമാര് മനുഷ്യാവകാശ കമ്മീഷന് അധ്യക്ഷന്. സര്ക്കാരിന്റെ ശുപാര്ശ ഗവർണർ ആരിഫ് മുഹമ്മദ് ഖാൻ അംഗീകാരം നല്കുകയായിരുന്നു. കേരള നിയമനത്തിനെതിരെ പ്രതിപക്ഷ നേതാവ് വിയോജനക്കുറിപ്പ് നല്കിയിരുന്നു. കേരള ഹൈക്കോടതി മുന് ചീഫ് ജസ്റ്റിസായിരുന്നു എസ് മണികുമാര്.
മനുഷ്യാവകാശ കമ്മീഷന് അധ്യക്ഷ സ്ഥാനത്ത് കാലാവധി പൂര്ത്തിയാക്കിയ ജസ്റ്റിസ് ആന്റണി ഡൊമനിക്കിന് പകരമാണ് ജസ്റ്റിസ് മണികുമാറിന്റെ നിയമനം. വിരമിച്ച ഹൈക്കോടതി ചീഫ് ജസ്റ്റിസ്, സുപ്രീംകോടതി ജഡ്ജി എന്നിവരെയാണ് മനുഷ്യാവകാശ കമ്മീഷന് ചെയര്മാനായി നിയമിക്കുന്നത്. ഏപ്രില് 24 നാണ് കേരള ഹൈക്കോടതി ചീഫ് ജസ്റ്റിസ് എസ് മണികുമാര് വിരമിച്ചത്.
advertisement
കേരള ഹൈക്കോടതിയില് നിന്ന് വിരമിച്ച ചീഫ് ജസ്റ്റിസ് മണികുമാറിന് സര്ക്കാര് വക യാത്രയയപ്പ് നൽകിയിരുന്നു. ഇതു പിന്നീട് വലിയ വിമർശനങ്ങള്ക്ക് വഴിവച്ചിരുന്നു. കേരള ചരിത്രത്തില് ഇതുവരെ കേള്ക്കാത്ത സംഭവമാണെന്ന് നിയമവ്യത്തങ്ങളില് തന്നെ ആരോപണം ഉയര്ന്നിരുന്നു. മുഖ്യമന്ത്രിയും മന്ത്രിമാരും ഉള്പ്പെടെയുള്ളവരായിരുന്നു അന്ന് യാത്രയയപ്പ് നല്കിയത്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kerala
First Published :
Apr 03, 2024 6:20 PM IST
