'കെ.സുരേന്ദ്രനും മുരളീധരനും പാർട്ടിയെ കുടുംബസ്വത്താക്കി'; കേന്ദ്ര  നേതൃത്വത്തിന് പരാതിയുമായി ശോഭ- കൃഷ്ണദാസ് വിഭാഗങ്ങൾ

ന്യൂഡൽഹി: നിയമസഭ തെരഞ്ഞെടുപ്പ് തോൽവിയും കൊടകര കുഴൽപ്പണ ഇടപാട് ആരോപണവും പാർട്ടിയെ പ്രതിസന്ധിയിലാക്കിയിരിക്കെ  ബിജെപി സംസ്ഥാന അധ്യക്ഷൻ കെ സുരേന്ദ്രനെതിരെ കേന്ദ്ര നേതൃത്വത്തിന് പരാതി അറിയിച്ച് കൃഷ്ണദാസ്- ശോഭ സുരേന്ദ്രൻ പക്ഷങ്ങൾ. സംസ്ഥാന ബിജെപി വലിയ പ്രതിസന്ധിയിലാണെന്നും കേന്ദ്രമന്ത്രി വി മുരളീധരനും കെ സുരേന്ദ്രനും പാര്‍ട്ടിയെ കുടുംബ സ്വത്താക്കുകയാണെന്നും പാര്‍ട്ടിയെ തകര്‍ക്കാനാണ് ഇരുവരും ശ്രമിച്ചതെന്നും കേന്ദ്രനേതൃത്വത്തെ അറിയിച്ചു. സുരേന്ദ്രൻ വ്യക്തിപരമായി സൃഷ്ടിച്ച പ്രതിസന്ധിയാണ് പാർട്ടി നേരിടുന്നതെന്ന് പരാതിയിൽ പറയുന്നു.