യുവതികളെ പിന്തിരിപ്പിക്കാനുള്ള ശ്രമമെന്ന് ദേവസ്വം മന്ത്രി

തിരുവനന്തപുരം : ശബരിമല ദർശനത്തിനെത്തിയ യുവതികളെ പിന്തിരിപ്പിക്കേണ്ടി വരുമെന്ന് ദേവസ്വം മന്ത്രി കടകംപള്ളി സുരേന്ദ്രൻ.  ആരോടും പറഞ്ഞിട്ടല്ല അവർ ദർശനത്തിനെത്തിയത്. പൊലീസ് സംരക്ഷണം ആവശ്യപ്പെട്ടിട്ടുമില്ല. എന്നാൽ നിലവിലെ സാഹചര്യത്തിൽ അവരുടെ ജീവന്‍ സംരക്ഷിക്കുക പൊലീസിന്റെ ഉത്തരവാദിത്തമായതിനാലാണ് സംരക്ഷണം നല്‍കിയതെന്നും മന്ത്രി വ്യക്തമാക്കി.

Also Read-'നവേത്ഥാനം' വേണ്ട; റിപ്പബ്ലിക് ദിന പരേഡിൽ നിന്ന് കേരളത്തിന്റെ ഫ്ളോട്ട് പുറത്ത്

യുവതികൾക്കെതിരെ പ്രതിഷേധം ശക്തമായ സാഹചര്യത്തിൽ അവരെ മലകയറാനുള്ള നീക്കത്തിൽ നിന്ന് പിൻതിരിപ്പിക്കേണ്ടി വരും. ഇതിനായുള്ള ശ്രമങ്ങൾ പൊലീസ് നടത്തുന്നുണ്ട്. സാഹചര്യങ്ങള്‍ അവരെ ബോധ്യപ്പെടുത്താനുള്ള ശ്രമങ്ങളാണ് നടക്കുന്നത്.

• ഇതരസംസ്ഥാന തൊഴിലാളികൾ ഏറ്റുമുട്ടി; ഒരാൾ മരിച്ചു

നിലവിൽ ഭക്തർ പ്രകോപിതരാണ് ഇത് പ്രശ്നങ്ങള്‍ വഷളാക്കുകയേ ഉള്ളു. ഇത് യുവതികളെ പറഞ്ഞ് മനസിലാക്കാന്‍ ശ്രമിക്കും.ഏതെങ്കിലും തരത്തിലുള്ള സംഘര്‍ഷങ്ങൾ ഉണ്ടായാൽ അത് നിഷ്കങ്കരും നിരപരാധികളുമായ ഭക്തരെ കൂടി ബാധിക്കും എന്നതിനാലാണ് ഈ നീക്കം നടത്തുന്നതെന്നും ദേവസ്വം മന്ത്രി.