ഇന്ത്യ ബുക്ക് ഓഫ് റെക്കോർഡ്‌സിൽ ഇടംനേടി സാത്വിക്: ആറാം ക്ലാസുകാരൻ്റെ കമൻ്ററി കേട്ട് അമ്പരന്ന് കായികലോകം

നാട്ടിലെ ഒരു ക്ലബ് നടത്തിയ ക്രികറ്റ് ടൂര്‍ണമെൻ്റില്‍ കമൻ്ററി പറഞ്ഞാണ് സാത്വികിൻ്റെ കമൻ്ററി തുടക്കം. ആ വീഡിയോ ജനശ്രദ്ധ നേടിയതോടെ വിവിധ ക്ലബുകള്‍ക്കും ടൂര്‍ണമെൻ്റിനും മറ്റുമായി കമൻ്ററി പറയാനായി ഈ ആറാം ക്ലാസുകാരന്‍ പോകാറുണ്ട്. തലശ്ശേരി വടക്കുമ്പാട് സ്വദേശികളായ ശ്രീന്നാഥ്, ശരണ്യ ദമ്പതികളുടെ മകനാണ് സാത്വിക്ന്നാഥ്. തൻ്റെ മകൻ്റെ കഴിവില്‍ വിശ്വാസമുള്ള സാത്വികിൻ്റെ അച്ഛനാണ്, മകൻ്റെ സാരഥി.

ക്രിക്കറ്റും ഫുട്‌ബോളും ഏറെ ഇഷ്ടപ്പെടുന്ന സാത്വിക് റോള്‍ മോഡലായി കാണുന്നത് രവി ശാസ്ത്രിയെയാണ്. ഭാവിയില്‍ ആരാകണമെന്ന ചോദ്യത്തിന് ഇൻ്റര്‍നാഷണല്‍ ക്രിക്കറ്റ് കമൻ്റര്‍ ആകണമെന്ന വലിയൊരു മോഹമാണ് സാത്വികിനുള്ളത്.