ദേശീയ തായ്‌ക്വോണ്ടോ ചാമ്പ്യൻഷിപ്പിൽ മെഡലുകൾ കൊയ്ത് അമ്മയും മക്കളും

ഗോവ മണ്ണ് നിശ്ചലമായിരുന്നു. നോട്ടം മുഴുവന്‍ പയ്യന്നൂരിലെ ഈ മിടുക്കികളിലേക്ക്. ഗോവയില്‍ ഇത്തവണ നടന്ന നാഷണല്‍ തൈക്കോണ്ടോ ചാമ്പ്യന്‍ഷിപ്പ് ഏവരെയും അത്ഭുതപ്പെടുത്തുന്നതാണ്. മുപ്പത്തി ഒമ്പതാമത് ഐ ടി എഫ് നാഷണല്‍ തൈക്കോണ്ടോ ചാമ്പ്യന്‍ഷിപ്പിലെ ശ്രദ്ധാകേന്ദ്രമായി മാറിയിരിക്കുകയാണ് ഈ അമ്മയും മക്കളും. 27 സംസ്ഥാനങ്ങളില്‍ നിന്നായി അഞ്ഞൂറോളം പേര്‍ പങ്കെടുത്ത ചാമ്പ്യന്‍ഷിപ്പില്‍ പൊരുതിയാണ് ഇവര്‍ ഈ നേട്ടം സ്വന്തമാക്കിയത്. ഏവരും ഉറ്റു നോക്കുമ്പോഴാണ് അമ്മയും മക്കളും ആവേശകരമായി മുന്നേറിയത്. തൈക്കോണ്ടോ ഫോര്‍ത്ത് ഡിഗ്രി ബ്ലാക്ക് ബെല്‍ട്ട് വിജയിയായ രമ്യ ബാലൻ്റെയും, മക്കളായ ആര്‍ കൃഷ്ണ, ആര്‍ വൈഷ്ണ എന്നിവരുടെയും പ്രകടനം മറ്റു മത്സരാര്‍ത്ഥികള്‍ക്കും കൗതുകുമായി. 27 വര്‍ഷങ്ങള്‍ക്ക് ശേഷമാണ് രമ്യ ബാലന്‍ മത്സരത്തിന് ഇറങ്ങിയത്.