'ജീവിതമാണ് ലഹരി': മാഹിയിൽ വിദ്യാര്ത്ഥികളുടെ ലഹരി വിരുദ്ധ തെരുവ് നാടകം ശ്രദ്ധേയമായി
Last Updated:
ജീവിതമാണ് ലഹരി, രാസലഹരിക്കെതിരെ കുട്ടികളുടെ തെരുവോര നാടകം വേറിട്ടതായി. സ്കൂള് വിദ്യാര്ത്ഥികള് കാഴ്ചവെച്ച തെരുവ് നാടകം ആസ്വാദകരില് അറിവ് പകര്ത്തി.
മാഹി ഗവണ്മെൻ്റ് മിഡില് സ്കൂളിലെ വിദ്യാര്ത്ഥികള് മാഹി മൈതാനത്ത് എത്തിയതോടെ പൊതുജനങ്ങള് ഒന്നാകെ തടിച്ചു കൂടി. ജീവിതമാണ് ലഹരി എന്ന സന്ദേശമുയര്ത്തി വിദ്യാര്ത്ഥികള് നടത്തിയ തെരുവ് നാടകം ശ്രദ്ധയമായി. പുകവലിയോ മദ്യപാനമോ മയക്കു മരുന്നോ അല്ല മറിച്ച് ജീവിതമാണ് ലഹരി എന്ന് സ്കൂളിലെ കലാകാരന്മാര് തെരുവ് നാടകത്തിലൂടെ വ്യക്തമാക്കി.
എ സി എച്ച് അഷ്റഫ് മാസ്റ്ററാണ് നാടകം സംവിധാനം ചെയ്തത്. ശ്രദ്ധ, മിഥുന, ആദിദേവ്, ജോഹന്, അദര്വ്, ഹൈഫ, വേദിക, ആഷ്ലി, മായ, പ്രേം ചന്ദ്ര, ആരാധ്യ, ശ്രീബാല എന്നീ കുട്ടികളാണ് മികച്ച പ്രകടനം കാഴ്ച്ചവെച്ചത്.
യുവത്വത്തേയും അതുവഴി സമൂഹത്തേയും കാര്ന്നു തിന്നുന്ന ലഹരിക്കെതിര ഒരു നാടൊന്നാകെ പൊരുതി മുന്നേറണമെന്ന മുദ്രാവാക്യവുമായാണ് കുട്ടികള് തെരുവിലിറങ്ങിയത്. പ്രധാനാധ്യാപകന് അജിത് പ്രസാദ്, അധ്യാപകരായ മിനി, മായ, സ്വപ്ന, രവിശങ്കര് തുടങ്ങിയവര് നേതൃത്വം നല്കി. ലഹരിക്കെതിരെ ബോധവല്ക്കരണ സന്ദേശവുമായി സ്കൂളിലെ വിദ്യാര്ത്ഥികള് കാഴ്ചവെച്ച തെരുവ് നാടകം ആസ്വാദകരില് അറിവ് പകര്ത്തി.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kannur,Kerala
First Published :
Aug 01, 2025 3:52 PM IST
മലയാളം വാർത്തകൾ/ വാർത്ത/Kannur/
'ജീവിതമാണ് ലഹരി': മാഹിയിൽ വിദ്യാര്ത്ഥികളുടെ ലഹരി വിരുദ്ധ തെരുവ് നാടകം ശ്രദ്ധേയമായി
