പൂരക്കളിക്ക് ഇനി സ്ഥിരം തട്ടകം; കേരള പൂരക്കളി അക്കാദമി ആസ്ഥാന മന്ദിരം ഫെബ്രുവരിയിൽ തുറക്കും
Last Updated:
പൂരക്കളി ആസ്ഥാന മന്ദിരം ഫെബ്രുവരിയില് നാടിന് സമര്പ്പിക്കും. 50 സെൻ്റ് സ്ഥലത്ത് 2 കോടി രൂപയിലാണ് കെട്ടിടം നിര്മ്മിച്ചത്. ഉത്തര കേരളത്തിൻ്റെ തനത് കലാരൂപം ദേശീയ കലാരൂപങ്ങളുടെ പദവിയിലേക്ക് ഉയര്ത്താന് ലക്ഷ്യമിട്ടാണ് അക്കാദമി രൂപീകരിച്ചത്.
കാത്തിരിപ്പിനൊടുവില് കേരള പൂരക്കളി അക്കാദമിക്കായി നിര്മ്മിച്ച ആസ്ഥാന മന്ദിരം ഫെബ്രുവരിയില് നാടിന് സമര്പ്പിക്കും. വെള്ളൂര് കൊടക്കത്ത് കൊട്ടണച്ചേരി ഭഗവതിക്ഷേത്രം ദേവസ്വം കമ്മിറ്റി വിലേജ് ഓഫീസിന് സമീപം സൗജന്യമായി നല്കിയ 50 സെൻ്റ് സ്ഥലത്താണ് സംസ്ഥാന സര്ക്കാര് നല്കിയ 2 കോടി രൂപ ഉപയോഗിച്ച് കെട്ടിടം നിര്മ്മിച്ചത്.
ആസ്ഥാനമന്ദിരത്തിൻ്റെ ഉദ്ഘാടനവും പൂരക്കളി, മറുത്തുകളി കലാകാരന്മാര്ക്കുള്ള പുരസ്ക്കാര വിതരണവും ഫെബ്രുവരി രണ്ടാംവാരം നടക്കും. ഉത്തര കേരളത്തിൻ്റെ തനത് കലാരൂപമായ പൂരക്കളിയെ ദേശീയ കലാരൂപങ്ങളുടെ പദവിയിലേക്ക് ഉയര്ത്താന് ലക്ഷ്യമിട്ടാണ് കേരള പൂരക്കളി അക്കാദമി രൂപീകരിച്ചത്.
പയ്യന്നൂര് പെരുമ്പ കെഎസ്ആര്ടിസി ഡിപ്പോക്ക് സമീപം ഡിടിപിസിയുടെ വാടക കെട്ടിടത്തിലാണ് അക്കാദമി പ്രവര്ത്തിക്കുന്നത്. പൂരക്കളിയുടെ സാമൂഹ്യപശ്ചാത്തലം, ഉത്ഭവം, വികാസം, കാലഘട്ടം, ചിട്ടപ്പെടുത്തല് എന്നിവയുടെ സമഗ്ര പഠനത്തോടൊപ്പം പരിപോഷണവും ലക്ഷ്യമിട്ടാണ് അക്കാദമിയുടെ പ്രവര്ത്തനം.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kannur,Kerala
First Published :
Jan 16, 2026 5:17 PM IST
മലയാളം വാർത്തകൾ/ വാർത്ത/Kannur/
പൂരക്കളിക്ക് ഇനി സ്ഥിരം തട്ടകം; കേരള പൂരക്കളി അക്കാദമി ആസ്ഥാന മന്ദിരം ഫെബ്രുവരിയിൽ തുറക്കും
