പിന്നിട്ടത് പ്രതിസന്ധികൾ മാത്രം നിറഞ്ഞ കാലം; 'ഇനി നല്ല കുറേ സിനിമകൾ കാണണം' : ടോം ജോസ്

മാലിന്യ നിർമാർജനത്തിന് പ്രത്യേക സംവിധനം ഒരുക്കണമെന്നത് വലിയ സ്വപ്നമായിരുന്നു. അതിനായി നാല് കേന്ദ്രങ്ങൾ കണ്ടെത്തി. സാങ്കേതിക വിദ്യയുടെ കാര്യത്തിൽ തീരുമാനമെടുത്തു. ടെൻഡർ നടപടികളും തുടങ്ങി. എന്നാൽ അപ്രതീക്ഷിത എതിർപ്പുകളുണ്ടായി. വിചാരിച്ചതിലും വലിയ വെല്ലുവിളി ആയിരുന്നു അത്.

പദ്ധതി പൂർത്തീകരിക്കാൻ ആയില്ലെങ്കിലും തുടങ്ങി വയ്ക്കാൻ കഴിഞ്ഞതിൽ ചാരിതാർഥ്യമുണ്ട്. പുതിയ ചീഫ് സെക്രട്ടറി വിശ്വാസ് മേത്തയും മാലിന്യ നിർമാർജന പ്രവർത്തനങ്ങളിൽ താത്പര്യമുള്ളയാളാണ്. അദ്ദേഹം അതു പൂർത്തീകരിക്കുമെന്നാണ് പ്രതീക്ഷയെന്നും ടോം ജോസ്.

ഭാവി പദ്ധതി എന്തെന്ന ചോദ്യത്തിനായിരുന്നു സിനിമാ പ്രേമി കൂടിയായ മുൻ ചീഫ് സെക്രട്ടറിയുടെ മറുപടി. വിരമിച്ചെങ്കിലും സർക്കാരിന്റെ പ്രധാന പദ്ധതികളുടെ ചുമതലയിൽ ടോം ജോസ് ഉണ്ടാകുമെന്നാണ് സൂചന. റീ ബിൽഡ് കേരള സി ഇ ഒ അടക്കമുള്ള പദവികളാണ് പരിഗണനയിൽ.