Actress Attack Case| നടിയെ ആക്രമിച്ച കേസില് എഡിജിപി ശ്രീജിത്തിനെ മാറ്റിയത് ചോദ്യം ചെയ്തുള്ള ഹർജി തള്ളി
- Published by:Rajesh V
- news18-malayalam
Last Updated:
ശ്രീജിത്തിനെ കേസന്വേഷണത്തിന്റെ മേല്നോട്ട ചുമതലയില് നിന്നും നീക്കിയത് ചോദ്യം ചെയ്ത് സംവിധായകനായ ബൈജു കൊട്ടാരക്കരയാണ് ഹൈക്കോടതിയില് പൊതു താല്പ്പര്യ ഹര്ജി ഫയല് ചെയ്തത്.
കൊച്ചി: നടിയെ ആക്രമിച്ച കേസിന്റെ (Actress Attack Case) അന്വേഷണ മേല്നോട്ട ചുമതലയില് നിന്ന് എഡിജിപി ശ്രീജിത്തിനെ (Sreejith) മാറ്റിയത് ചോദ്യം ചെയ്തുള്ള ഹര്ജി ഹൈക്കോടതി (Kerala High Court) തള്ളി. സര്ക്കാരിന്റെ ഭരണപരമായ കാര്യങ്ങളില് ഇടപെടാനാകില്ലെന്ന് കോടതി വ്യക്തമാക്കി. ശ്രീജിത്തിന്റെ സ്ഥലംമാറ്റം സംബന്ധിച്ച സര്ക്കാര് വിശദീകരണം അംഗീകരിച്ചാണ് ഹൈക്കോടതി നടപടി.
ചീഫ് ജസ്റ്റിസ് എസ് മണികുമാര്, ജസ്റ്റിസ് ഷാജി പി ചാലി എന്നിവരടങ്ങിയ ഡിവിഷന് ബെഞ്ചാണ് ഹര്ജി പരിഗണിച്ചത്. ശ്രീജിത്തിനെ കേസന്വേഷണത്തിന്റെ മേല്നോട്ട ചുമതലയില് നിന്നും നീക്കിയത് ചോദ്യം ചെയ്ത് സംവിധായകനായ ബൈജു കൊട്ടാരക്കരയാണ് ഹൈക്കോടതിയില് പൊതു താല്പ്പര്യ ഹര്ജി ഫയല് ചെയ്തത്.
കേസന്വേഷണ റിപ്പോര്ട്ട് സമര്പ്പിക്കാന് ഏതാനും ദിവസങ്ങള് അവശേഷിക്കെ ഉദ്യോഗസ്ഥനെ മാറ്റിയത് അന്വേഷണത്തെ ബാധിക്കുമെന്ന് ഹര്ജിയില് ബൈജു കൊട്ടാരക്കര സൂചിപ്പിച്ചു. ഉയര്ന്ന പദവിയിലിരിക്കുന്ന ഉദ്യോഗസ്ഥരെ രണ്ടുവര്ഷത്തേക്ക് മാറ്റരുതെന്ന സുപ്രീംകോടതി നിര്ദേശമുണ്ടെന്നും ഹര്ജിയില് ചൂണ്ടിക്കാട്ടിയിരുന്നു.
advertisement
പ്രത്യേക അന്വേഷണ സംഘം പുനഃസംഘടിപ്പിച്ചതായും, കേസിന്റെ മേല്നോട്ടച്ചുമതല പുതിയ ക്രൈംബ്രാഞ്ച് മേധാവി ഷേഖ് ദര്വേഷ് സാഹിബിന് ആണെന്നും സര്ക്കാര് കോടതിയെ അറിയിച്ചിരുന്നു.
പൊതുജനങ്ങള്ക്കും പൊലീസിന്റെ ആയുധ പരിശീലനം; ഫീസ് 5000 വരെ; ഉത്തരവ് ഇറക്കി ഡിജിപി
പൊതുജനങ്ങള്ക്കും ആയുധ പരിശീലനം നല്കാന് കേരള പൊലീസിന്റെ പദ്ധതി. തോക്ക് ലൈസന്സുള്ളവര്ക്കും ലൈസന്സിന് അപേക്ഷിച്ചിട്ടുള്ളവര്ക്കുമാണ് പരിശീലനം നല്കുന്നത്. ഇതിനായി പ്രത്യേകം സമിതിയും സിലബസും തയ്യാറായി. ഇത് സംബന്ധിച്ച് ഡിജിപിയുടെ ഉത്തരവ് പുറത്തിറങ്ങി. ഹൈക്കോടതി നിര്ദ്ദേശത്തെ തുടര്ന്നാണ് ഡിജിപി ഉത്തരവ് ഇറക്കിയത്.
advertisement
ഫീസടച്ച് പൊതുജനങ്ങള്ക്കും ആയുധപരിശീലനം നേടാന് കഴിയുമെന്നാണ് പുതിയ ഉത്തരവില് പറയുന്നത്. 1000 രൂപ മുതല് 5000 രൂപവരെയാണ് ഫീസ്. ഫയറിങ്ങിന് 5000 രൂപയും ആയുധങ്ങളെ കുറിച്ച് അറിയുന്നതിനും മനസിലാക്കുന്നതിനും 1000 രൂപയുമാണ് ഫീസ്. ആയുധം വൃത്തിയാക്കുന്നത് പഠിക്കാൻ 1000 രൂപയാണ് ഫീസ്.
സുരക്ഷാ മുൻകരുതലുകൾ അറിയാൻ 1000 രൂപയും ഫീസായി നൽകണം. വർഷത്തിൽ 13 ദിവസത്തെ ക്ലാസാണുണ്ടാകുക. സംസ്ഥാനത്തൊട്ടാകെ എട്ട് പരിശീലന കേന്ദ്രങ്ങളാകും ഉണ്ടാകുക.
സംസ്ഥാനത്ത് നിരവധി പേരുടെ കൈവശം ആയുധ ലൈസന്സ് ഉണ്ടെങ്കിലും പലര്ക്കും ഇത് ഉപയോഗിക്കാന് അറിയില്ല. ആയുധ പരിശീലനത്തിന് സംസ്ഥാനത്ത് സര്ക്കാര് ഒരു സംവിധാനം ഒരുക്കണണെന്നാവശ്യപ്പെട്ട് ഒരുവിഭാഗം ആളുകള് ഹൈക്കോടതിയില് ഹര്ജി നല്കിയിരുന്നു. ഹൈക്കോടതിയുടെ നിര്ദേശത്തെ തുടര്ന്നാണ് ഇത്തരത്തില് ഒരു ഉത്തരവ് ഇറക്കിയത്. പൊലീസിന്റെ ക്ലിയറന്സ് സര്ട്ടിഫിക്കറ്റ്, ശാരീരികവും മാനസികവുമായ ഫിറ്റ്നെസ്, ആധാര് കാര്ഡ്, ആയുധ ലൈസന്സ് എന്നിവ ഹാജരാക്കിയവര്ക്ക് മാത്രമായിരിക്കും പരിശീലനം നല്കുക.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Jun 07, 2022 2:45 PM IST
മലയാളം വാർത്തകൾ/ വാർത്ത/Kerala/
Actress Attack Case| നടിയെ ആക്രമിച്ച കേസില് എഡിജിപി ശ്രീജിത്തിനെ മാറ്റിയത് ചോദ്യം ചെയ്തുള്ള ഹർജി തള്ളി
