കേരളത്തിൽ ഇന്ന് കല്യാണമേളം; ഗുരുവായൂരമ്പല നടയിൽ മാത്രം 356 താലികെട്ട്
- Published by:Sarika N
- news18-malayalam
Last Updated:
ചിങ്ങമാസത്തിലെ തിരുവോണത്തിന് മുമ്പായുള്ള അവസാന ഞായറാഴ്ചയായതിലാണ് ഇന്ന് ഇത്രയധികം വിവാഹങ്ങൾ ഉണ്ടാവാൻ ഉള്ള പ്രധാനകാരണമെന്നാണ് സൂചന
കേരളത്തിൽ ഇന്ന് കല്യാണമേളം. ഗുരുവായൂർ ക്ഷേത്രത്തിൽ വച്ച് മാത്രമായി ഇന്ന് നടക്കുന്നത് 356 വിവാഹങ്ങളാണ്. ഇതേ രീതിയിൽ കേരളത്തിന്റെ വിവിധ ഭാഗങ്ങളിലായി നടക്കുന്ന കല്യാണങ്ങളുടെ എണ്ണം ഇതിന്റെ പതിന്മടങ്ങ് ആകാനാണ് സാധ്യതയെന്ന് ബന്ധപ്പെട്ടവർ വിലയിരുത്തുന്നു. ചിങ്ങമാസത്തിലെ തിരുവോണത്തിന് മുമ്പായുള്ള അവസാന ഞായറാഴ്ചയായതിലാണ് ഇന്ന് ഇത്രയധികം വിവാഹങ്ങൾ ഉണ്ടാവാൻ ഉള്ള പ്രധാനകാരണമെന്നാണ് സൂചന
ഞായറാഴ്ച അവധിയും ഓണാഘോഷവും കൂടി ആകുന്നതോടെ ഗുരുപവനപുരി അക്ഷരാർത്ഥത്തിൽ കാലുകുത്താൻ പോലും ഇടമില്ലാത്ത അവസ്ഥയിലാണ്. ഗുരുവായൂര് ക്ഷേത്രത്തില് റെക്കോഡ് വിവാഹങ്ങള് നടക്കുന്നതിനാൽ ദര്ശനവും വിവാഹ ചടങ്ങുകളും സുഗമമായി നടത്താന് ദേവസ്വം പ്രത്യേക ക്രമീകരണങ്ങള് ഒരുക്കിയിട്ടുണ്ട്. താലികെട്ട് നടക്കുന്നതിന് തൊട്ടുമുമ്പ് വരെ ശീട്ടാക്കാന് സൗകര്യമുള്ളതിനാല് വിവാഹങ്ങളുടെ എണ്ണം വര്ധിക്കാന് സാധ്യതയുണ്ട്.മുൻമന്ത്രി വി.എസ്.സുനിൽ കുമാറിന്റെ സഹോദരിയുടെ മകളുടെ വിവാഹമാണ് പുലർച്ചെ നടന്ന വിവാഹങ്ങളിൽ ഒന്ന്. പുലർച്ചെ ആറ് വരെ 80 ഓളം വിവാഹങ്ങൾ നടന്നു.
advertisement
ഒരോ വിവാഹ സംഘത്തിനുമൊപ്പം 4 ഫോട്ടോ-വീഡിയോഗ്രാഫർമാർ അടക്കം 24 പേർക്ക് മണ്ഡപത്തിനടുത്തേക്ക് പ്രവേശനം അനുവദിച്ചിട്ടുണ്ട്. ക്ഷേത്രത്തിൽ 150 ഓളം പൊലീസുകാരെയും 100 ക്ഷേത്രം ജീവനക്കാരെയും സുരക്ഷയ്ക്കായി നിയോഗിച്ചിട്ടുണ്ട്. ശയന പ്രദക്ഷിണം , അടി പ്രദക്ഷിണം എന്നിവ ഇന്ന് ഒഴിവാക്കിയിട്ടുണ്ട്. ക്ഷേത്രത്തിൽ ആറ് മണ്ഡപങ്ങളിലായാണ് വിവാഹങ്ങൾ നടക്കുന്നത്.ബുക്കിങ് തുടരുന്നുവെന്നും 400 വിവാഹങ്ങൾ വരെ നടത്താനുള്ള ക്രമീകരണം ക്ഷേത്രത്തിൽ ഒരുക്കിയിട്ടുണ്ടെന്നും ദേവസ്വം ബോർഡ് അധികൃതർ വ്യക്തമാക്കി.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thrissur,Kerala
First Published :
September 08, 2024 8:52 AM IST
മലയാളം വാർത്തകൾ/ വാർത്ത/Kerala/
കേരളത്തിൽ ഇന്ന് കല്യാണമേളം; ഗുരുവായൂരമ്പല നടയിൽ മാത്രം 356 താലികെട്ട്


