Kerala Weather Updates:ഇനിയുള്ള ദിവസങ്ങളിൽ കേരളത്തിനു ആശ്വസിക്കാം; ഇന്ന് 14 ജില്ലകളിലും മഴയ്ക്ക് സാധ്യത

തിരുവനന്തപുരം: സംസ്ഥാനത്ത് തുടർച്ചയായുണ്ടായ കനത്ത ചൂടിന് ആശ്വാസമായിരുന്നു തലസ്ഥാനത്ത് കഴിഞ്ഞ ദിവസം ലഭിച്ച മഴ. ഇതോടെ കേന്ദ്ര കാലാവസ്ഥ വകുപ്പിന്‍റെ അടുത്ത ദിവസങ്ങളിലെ പ്രവചനവും ഇത്തരത്തില്‍ ആശ്വാസം നൽകുന്നതാണ്. ഇന്നും അടുത്ത ദിവസങ്ങളിലും കാര്യമായ തോതിൽ മഴ ലഭിക്കുമെന്നാണ് കാലാവസ്ഥ വകുപ്പിന്റെ പുതിയ പ്രവചനം. ഇന്ന് സംസ്ഥാനത്തെ 14 ജില്ലകളിലും മഴയ്ക്ക്  സാധ്യതയുണ്ടെന്ന് കാലാവസ്ഥ വകുപ്പ്. നാളെ 11 ജില്ലകളിലും മറ്റന്നാൾ 7 ജില്ലകളിലും 16 -ാം തീയതി 11 ജില്ലകളിലും മഴ സാധ്യതയുണ്ടെന്നും അറിയിപ്പുണ്ട്. അതിനിടെ കേരള തീരത്ത് മത്സ്യബന്ധനത്തിന് വിലക്കും ഏർപ്പെടുത്തിയിട്ടുണ്ട്.