പിൻവാതിൽ നിയമനം ചോദ്യം ചെയ്തു; വിരമിച്ച അധ്യാപകന് ഊരുവിലക്കേർപ്പെടുത്തി കേരള സർവകലാശാലയുടെ വിചിത്ര നടപടി

സ്ഥിരമായി അച്ചടക്ക നടപടിക്ക് വിധേയനാകാറുള്ള അധ്യാപകനെ സംരക്ഷിക്കുന്നതിന്റെ ഭാഗമായാണ് മുൻ വകുപ്പ് മേധാവിക്ക് ഊരുവിലക്ക് ഏർപ്പെടുത്തിയതെന്നാണ് വിദ്യാർഥികൾ ആരോപിക്കുന്നത്. മാറിമാറി വരുന്ന സർക്കാരുകളിൽ പിടിപാടുള്ള വിവാദ അധ്യാപകനെ പി.എസ്.സിയും ഡീബാർ ചെയ്തിട്ടുണ്ട്. വ്യാജ ബിരുദം ഹാജരാക്കിയതിനായിരുന്നു പി.എസ്.സി നടപടി. വ്യാജ ജാതി സർട്ടിഫിക്കറ്റാണ് ഇയാൾ നിയമനത്തിന് ഹാജരാക്കിയതെന്നും ആരോപണമുയർന്നിരുന്നു. ഇതിനിടെ കോടതി വിധി തെറ്റായി വ്യാഖ്യാനിച്ചാണ് 2009-ൽ നിയമനം നൽകിയതെന്നും ആക്ഷേപമുണ്ട്.