കേരള സർവകലാശാലയിൽ പഹൽഗാം വിഷയത്തിൽ ദേശവിരുദ്ധ സെമിനാർ തടഞ്ഞ് വൈസ് ചാൻ‌സലർ

തിരുവനന്തപുരം: കേരള സർവകലാശാലയിൽ പഹൽഗാം ഭീകരാക്രമണം ചർച്ചയ്ക്ക് വച്ച സെമിനാർ തടഞ്ഞ് വൈസ് ചാൻസലർ. ദേശവിരുദ്ധ ഉള്ളടക്കമെന്ന് ചൂണ്ടിക്കാട്ടിയാണ് നടപടിയെന്ന് വി സി ഡോ. മോഹനൻ കുന്നുമ്മൽ പറഞ്ഞു. പരിപാടി നടത്താൻ ആലോചിച്ച തമിഴ് വകുപ്പ് അധ്യക്ഷനോട് വിശദീകരണം തേടിയിട്ടുണ്ട്. അതേസമയം, സെമിനാറിനെ കുറിച്ച് ആലോചന മാത്രമാണ് നടത്തിയതെന്നാണ് വിദ്യാർത്ഥികൾ പറയുന്നത്. വാട്സപ് ഗ്രൂപ്പിലെ ചർച്ച വിസി പെരുപ്പിച്ചുകാട്ടിയെന്ന് ഇടത് സിൻഡിക്കേറ്റ് അംഗങ്ങളും അഭിപ്രായപ്പെടുന്നു.