കിയാലിന് കെ.പി.എം.ജിയുമായി കൺസൾട്ടൻസി കരാർ; കേന്ദ്ര ഏജൻസി അന്വേഷിക്കണമെന്ന് കോൺഗ്രസ്

റീ ബിൽഡ് കേരളയുമായി ബന്ധപ്പെട്ട് കെ.പി.എം.ജിക്ക് കേരള സർക്കാർ നല്കിയ കരാർ വിവാദമായിരുന്നു. അവിടെ നിന്നും ഒഴിവാക്കപ്പെട്ടതിന് പരിഹാരം കാണാനാണ് തുല്യമായ തുകക്കുള്ള കരാർ കിയാലിൽ നല്കിയതെന്ന സംശയവും കോൺഗ്രസ് മുന്നോട്ട് വയ്ക്കുന്നു. കെ.പി.എം.ജിയുമായുള്ള കിയാലിൻ്റെ കൺസൾട്ടൻസി കരാർ കേന്ദ്ര വ്യോമയാന വകുപ്പിൻ്റെ ഉന്നതതല പരിശോധനക്ക് വിധേയമാക്കണമെന്നും കേന്ദ്ര ഏജൻസി അന്വേഷണം നടത്തണമെന്നും സതീശൻ പാച്ചേനി ആവശ്യപ്പെട്ടു.