ഒരു കോടി രൂപ ചെലവിൽ കുമ്മനോട് ഗവ. യു പി സ്കൂളിന് പുതിയ കെട്ടിടം

പൊതു വിദ്യാഭ്യാസ വകുപ്പ് പ്ലാൻ ഫണ്ടിൽ നിന്ന് ഒരു കോടി രൂപ വിനിയോഗിച്ച് നിർമ്മിച്ച കുമ്മനോട് ഗവൺമെൻ്റ് യുപി സ്കൂൾ പുതിയ കെട്ടിടത്തിൻ്റെ ഉദ്ഘാടനം നിർവഹിച്ച് വ്യവസായ വകുപ്പ് മന്ത്രി പി രാജീവ്‌. കേരളത്തിൻ്റെ വിദ്യാഭ്യാസ മേഖല ലോക ശ്രദ്ധ ആകർഷിക്കുകയാണെന്ന് പറഞ്ഞു. ജാതിയുടെയോ സമ്പത്തിൻ്റെയോ വ്യത്യാസങ്ങൾ ഇല്ലാതെ എല്ലാവർക്കും പഠിക്കാൻ കഴിയുന്ന വിദ്യാഭ്യാസ മേഖല കേരളത്തിൻ്റെ സവിശേഷതയാണ്. നിലവാരം ഉയർത്തുന്നതിൻ്റെ ഭാഗമായി പശ്ചാത്തല സൗകര്യവികസനം, ഓരോ വിഷയത്തിനും മിനിമം മാർക്ക് നിർബന്ധമാക്കുക തുടങ്ങിയ കാര്യങ്ങൾ നടപ്പിലാക്കി. ഇതിലൂടെ എല്ലാ കുട്ടികളെയും മിനിമം നിലവാരത്തിലേക്ക് എത്തിച്ച് ചേർത്തുപിടിക്കാൻ സാധിച്ചുവെന്നും മന്ത്രി പറഞ്ഞു.