മരടിലെ വെള്ളക്കെട്ട് പരിഹരിക്കാൻ വിവിധ പദ്ധതികൾ നടപ്പിലാക്കി; തോട് നവീകരണം നഗരസഭാ ചെയർമാൻ ഉദ്ഘാടനം ചെയ്തു

നെട്ടൂർ പൂതേപ്പാടം തോട് നവീകരണം പ്രവർത്തനങ്ങൾക്ക് തുടക്കമായി. മരട് നഗരസഭയുടെ നേതൃത്വത്തിലാണ് നെട്ടൂർ പൂതേപ്പാടം തോട് നവീകരണം പ്രവർത്തനങ്ങൾക്ക് തുടക്കമായത്. നഗരസഭാ ചെയർപേഴ്സൺ ആൻ്റണി ആശാംപറമ്പിൽ ഉദ്ഘാടനം നിർവ്വഹിച്ചു. മരടിൻ്റെ വിവിധ പ്രദേശങ്ങളായ അയിനിത്തോടിലെ ഉൾപ്പെടെയുള്ള വെള്ളക്കെട്ടുകൾ പരിഹരിക്കുവാൻ നഗരസഭ തനതു ഫണ്ട് വിനിയോഗിച്ച് വിവിധ പദ്ധതികൾ നടപ്പിലാക്കാൻ സാധിച്ചതിൽ ഏറെ സന്തോഷമുണ്ടെന്ന് നഗരസഭാ ചെയർമാൻ ആൻ്റണി ആശാംപറമ്പിൽ പറഞ്ഞു. തോടിൽ മണ്ണു നീക്കി ആഴം കൂട്ടി നീരൊഴുക്ക് സുഗമമാക്കിയെങ്കിലും പൂർണ്ണമായ ഫലം ലഭിച്ചിരുന്നില്ല. വർഷകാലങ്ങളിൽ സമീപപ്രദേശത്ത് രണ്ടു മണിക്കൂറിൽ കൂടുതലെങ്കിലും വെള്ളം കെട്ടിനിൽക്കുന്ന സ്ഥിതിക്ക് പരിഹാരമായിട്ടാണ് തോട് നവീകരിച്ച് സ്ലാബിട്ട് നടപ്പാതയൊരുക്കുവാൻ പദ്ധതിയിട്ടതെന്ന് ഡിവിഷൻ കൗൺസിലർ റിയാസ് കെ. മുഹമ്മദ് പറഞ്ഞു.